Portada Educación Abierta hasta ochobre la matrícula na Universidá Popular de Xixón

Abierta hasta ochobre la matrícula na Universidá Popular de Xixón

by redacción asturnews

Cursos como Iniciación al paisaxe sonoro, Fotografía documental, Xapón imperial, El mundu oníricu d’Aurelio Suárez, Panes duces, bizcuechos y galletes o Ferramientes d’Internet na nube, son bonos dellos exemplos de cursos qu’ufre esti añu la Universidá Popular de Xixón.

La matrícula, gradiada, ya ta abierta y el periodu va desenvolvese hasta’l 1 d’ochobre. Dependiendo del centru nel que s’imparte’l cursu, entamó’l 17, 18 ó 19 de setiembre. El primer día siempres a partir de les 9.00 de la mañana.

Ye importante saber que:

– El 17 de setiembre a les 9.00 empezó la matrícula para los cursos que se imarten nel Centru de Cultura Antiguu Institutu, Muséu Casa Natal de Xovellanos, Muséu Nicanor Piñole, Aules de música (Antiguu Colexu Manuel Medina).

– El 18 de setiembre a les 9.00 empezó la matrícula para los cursos que s’imparten nel Centru Municipal Integráu de Pumarín Xixón Sur “José Gonzalo Fernández Mieres”, Centru Municipal Integráu Atenéu de la Calzada, Colexu Públicu García Lorca, Taller de cerámica – Parque del Lloredal.

– El 19 de setiembre a les 9.00 empezó la matrícula para los cursos que s’imparten nel Centru Municipal d’El Natahoyo, Centru Municipal Integráu d’El Cotu, Centru Municipal Integráu de L’Sable, Axencia Local de Promoción Económica y Empléu, Centru Comercial Leroy Merlin, Centru Municipal Integráu d’El Llanu.

Matriculase puede faese nes oficines d’atención ciudadana, rede de caxeros ciudadanos, na web http://up.gijon.es y na aplicación pa móviles igijon. Siempres cola tarxeta ciudadana y el númberu PIN cuando nun sía matrícula presencial (nes oficines). Pa cualquier dulda o consulta, pueden contactar directamente col departamentu de UP, en upgijon.es o llamando al los teléfonos 985 18 10 32 y 985 18 10 18.

Tamién te podria gustar