Abba vuelve casi 40 años dempués con cinco nueves cantares

Poco primero de estrenar nueva música tres 39 años, Abba abrió una cuenta en TikTok pa calecer motores. En solo trés díes el perfil yá sumaba más de mediu millón de siguidores que pudieron esfrutar de los sos primeros vídeos, como’l qu’inaugura’l sitiu, una versión a pianu del so clásicu ‘Dancing Queen’.

N’otru curtiu puede vese a Benny Andersson tocar unos compases de ‘Chiquitita’, y, amás, el grupu xubió xuna de les sos actuaciones clásiques y un ‘tour’ pol estudiu onde se volvieron a crear los cinco nueves cantares qu’esti xueves, 2 de setiembre, van ver la lluz. Como parte del so regresu triunfal, amás, llueu van presentar l’espectáculu ‘Abba Voyage’, nel que los integrantes del grupu van actuar en forma d’holograma.

El so primer vídeu de TikTok afaró y ta a puntu d’algamar los 7 millones de visites. Amás, los usuarios siguieron homenaxando a Björn Ulvaeus, Benny Andersson, Agnetha Fältskog y Anni-Frid Lyngstad xubiendo más vídeos recordando los sos cantares sol ‘hashtag’ ABBA. Ente los fans tamién hai famosos, como Kylie Minogue, que se grabó cantando ‘Super Trouper’ mientres saca d’un maletu col nome y les cares del grupu tou el ‘merchandising’ de la dómina qu’atesora, como ‘casettes’ y entraes.