A la vienta les entraes pa les representaciones n’Asturies del musical “Los futbolísimos”

A la vienta les entraes pa les representaciones n’Asturies del musical “Los futbolísimos”
15 ochobre 09:00 2019 Imprimir

El coliséu avilesín estrena l’añu del so primer centenariu con un fenómenu de taquilla destináu al esfrute del públicu familiar, que fomenta valores como’l trabayu n’equipu o la igualdá de xéneru.La obra podrá vese el sábadu 4 de xineru nel Teatru Palacio Valdés, en pases a les 18 y a les 20 hores.

El Teatru Palacio Valdés va empezar el 2020, l’añu del so primer centenariu, cola puesta n’escena d’un espectáculu musical pensáu pal públicu familiar que se convirtió nun ésitu en toa España, “Los Futbolísimos”. Yá s’atopen a la vienta les entraes para los dos úniques representaciones que podrán vese n’Asturies, una doble sesión que va tener llugar el sábadu 4 de xineru, con representaciones a les 18 y a les 20 hores, dientro d’una nueva edición del ciclu de jovenEscena.

Les localidaes, numberaes, yá s’atopen a la vienta y pueden adquirise en dos precios, en función de la zona del teatru: a 10 euros nel casu de les de Xeneral, y de 15 en toles demás zones del teatru. Coles mesmes, los neños y les neñes menores de dos años que nun ocupen butaca van poder entrar de forma gratuita, previa retirada d’una localidá’l mesmu día de la función na taquilla del Palaciu Valdés.

La programación que’l Conceyu d’Avilés prepara pa Navidá empieza a desvelar les sos primeres novedaes. Y failo dientro d’unu de los espectáculos destinaos al públicu familiar de más ésitu n’España de los últimos tiempos. El musical “Los futbolísimos” afai’l fenómenu lliterariu infantil y xuvenil del mesmu nome qu’al traviés de les aventures de los sos protagonistes fomenta valores como’l trabayu n’equipu, la igualdá de xéneru, el compañerismu o la solidaridá.

  Categories: