A la gueta de les pallabres más prestoses col hashtag #PallabresLP18

by redacción asturnews | noviembre 17, 2017 1:56 pm

Iniciativa pol Asturianu busca les diez pallabres más prestoses del idioma pa representar Asturies nun certame internacional y failo al travies de les redes sociales y embaxo’l hashtag #PallabresLP18.

La entidá vieno acabante asoleyar una campaña nes redes sociales onde los usuarios van poder proponer pallabres que representen al asturianu nel Language Pavilon d’Holanda en 2018.

Iniciativa pol Asturianu asoleya una nueva campaña onde los usuarios de la rede van poder proponer y votar poles pallabres qu’ellos consideren más prestoses nel idioma d’Asturies.

Esta actividá tien l’envís de seleicionar les diez pallabres que van colocase nel techu nel Language Pavilon d’Holanda nel añu qu’entra dientro del proyeutu internacional Home of Languages.

Tol mundu puede suxerir la so pallabra favorita xunto col hashtag #PallabresLP18 nes estremaes redes sociales como Twitter, Facebook o Instagram tanto pela so cuenta como nes espublizaciones de la nuesa asociación.

Source URL: http://asturnews.com/a-la-gueta-de-les-pallabres-mas-prestores-col-hashtag-pallabreslp18/