Portada Sociedá A Caridá acueye un debate sobre la recién polémica del gallego-asturiano

A Caridá acueye un debate sobre la recién polémica del gallego-asturiano

by asturnet

L’alcaldesa de El Franco Cecilia Pérez y l’alcalde de Coaña Salvador Méndez participen esti miércoles 9 nun debate sobre la recién polémica del gallego-asturiano qu’organiza el Club Prensa Asturiana de La Nueva España. Xunta ellos van tar nel alderique el filólogu José Antonio Vior y Santiago Somoza, maestru de Primaria.

El periódicu La Nueva España nun quier desaprovechar la oportunidá d’afondar na repercusión mediática que ta teniendo nes últimes selmanes la realidá llingüística de la Tierra del Navia-Eo y entama en El Franco -ún de los conceyos que se pronunciaron oficialmente sobre la polémica- un debate que quier poner enriba la mesa estremaes opiniones sobre un asuntu eleváu de cuantayá a rangu de polémica. La cita ye na tarde del miércoles 9 nel Salón de Plenos del Ayuntamientu de El Franco en A Caridá.

Tamién te podria gustar