Portada Plástiques 832 persones visitaron n’Avilés “El socialismu asturiano nel esiliu 1937-1975”

832 persones visitaron n’Avilés “El socialismu asturiano nel esiliu 1937-1975”

by redacción asturnews

El domingu, 6 de xunu, concluyó la so exhibición nel Muséu de la Hestoria Urbana d’Avilés la esposición “El socialismu asturiano nel esiliu. 1937-1975”. Tratábase d’una amuesa entamada pola Fundación José Barreiro que recueye la trayectoria de casi cuarenta años d’esiliu de militantes socialistes y d’otres fuerces polítiques.

Mientres la so estancia n’Avilés fueron 832 les persones les que visitaron esta esposición sobro “El socialismu asturiano nel esiliu 1937-1975”. Ye una valoración descomanadamente optimista, daes les circunstancies sanitaries que carecemos y que demuestren qu’adulces la normalidá nestes actividaes culturales del muséu van recuperándose.

Concretamente a lo llargo del pasáu mes de mayu la cifra de visitantes xubió a 624, algamando un 75% de l’arribación habitual al mesmu periodu de tiempu na etapa anterior a la pandemia.

De manera simultánea, el muséu tien otres trés esposiciones de la so producción partíes per otros tantos espacios culturales y educativos asturianos. Nel Centru Polivalente La Baragaña, del Conceyu de Carreño, en Candás atópase “La Ruta de les Estrelles. El Camín de Santiago na Edá Media”, nel Muséu Marítimu d’Asturies “Pedro Menéndez d’Avilés. 1519-2019” y nel Institutu d’Educación Secundaria Númberu Cinco d’Avilés “Avilés: Transición-tresformamientu. Fotografíes de Nardo Villaboy”.

L’amuesa de Candás, que dende’l llunes treslladase a la Casa de Cultura de Ribesella, acompañase con una conferencia, nel centru citáu, de la nuesa Cronista María Joseefa Sanz Fuentes (“La muyer nel Camín de Santiago”) que va tener llugar esti vienres, 11 de xunu a les 19:30 hores.

Tamién te podria gustar