775 alumnos celebren la Selmana del Árbol

Un total de 775 alumnos y alumnes de 5º de Primaria de 15 centros educativos d’Uviéu participen esta selmana nuna nueva edición de la Selmana del árbol entamada pola conceyalía d’Educación en collaboración cola área de Parques y Xardinos del Conceyu d’Uviéu y Caxa Rural.

La vicealcaldesa, Ana Taboada, la conceyala d’Educación, Merced González y la conceyala de Servicios Públicos, Ana Rivas, participaron esta selmana nel plantíu d’árboles que los estudiantes realizaron nel Monte Naranco.

La responsable d’Educación, Merced  González, incidió nos principios que se consiguen tresmitir  a los mozos con esta iniciativa como son “la importancia de la riqueza forestal, el respetu y reconocencia de la naturaleza”. Pela so parte, la vicealcaldesa sorrayó que con esta actividá “poner en valor el Monte Naranco, nel que van intervenir los participantes del Plan d’Empléu, que volverán faer transitables los caminos d’esti emblema de la ciudá pal esfrute de toos”.