72 escolares participen estes vacaciones nos Talleres Infantiles d’Avilés

72 escolares participen estes vacaciones nos Talleres Infantiles d’Avilés
04 xineru 09:47 2019 Imprimir

Como ye habitual en tolos períodos vacaciones del cursu escolar, los Talleres Infantiles d’Avilés (TIA) llevense a cabu nos CEIP Versalles y El Quirinal, con 29 y 43 escolares inscritos, respectivamente. De los 72 alumnos matriculaos pa les dos veces del períodu navidiegu 35 fainlo ensin comedor escolar y 37 con serviciu de comedor incluyíu. Y de’l total de matriculaos, 23 cuenta con dalgún tipu de bonificación en función de les rentes familiares.

L’alcaldesa Mariví Monteserín y la conceyala d’Educación, Yolanda Alonso, visitaron la selmana pasada al alumnáu del CEIP El Quirinal. Destacaron el sofitu que programes como la TIA empresten a la families pa la conciliación de la vida personal y llaboral, según el respaldu municipal a esti programa, que surdió primeramente pal períodu vacacional branizu y estendióse yá a la Selmana Santa y les Navidaes.

Ente les actividaes programaes pa estos díes destaquen cuentacuentos, talleres de xuguetes y amarutes, xuegos musicales, yincana de l’ayalga navidiega, videofórum, xuegos d’integración, teatru y visita a la Ruta de Belenes d’Avilés.

  Categories: