65.000 euros pa pagar la matrícula a los estudiantes con más d’un 11,5 de nota na EBAU

65.000 euros pa pagar la matrícula a los estudiantes con más d’un 11,5 de nota na EBAU
06 xunetu 09:34 2018 Imprimir

La Universidá d’Uviéu vieno acabante d’acutar una partida de 65.000 euros pa pagar la matrícula a los estudiantes con más d’un 11,5 de nota na EBAU.

Ser un alumnu escelente tien premiu nel accesu a la Universidá d’Uviéu, polo menos esti cursu qu’entra. La institución académica asturiana acutó una partida de 65.000 euros pa sufragar los gastos de matrícula d’aquellos alumnos que llograren una nota igual o superior a 11,5 na EBAU y quieran siguir los sos estudios na Universidá d’Uviéu, independientemente de que lo faigan a tiempu completu o a tiempu parcial. “L’ayuda va cubrir a lo más el costu total d’un cursu académicu en primer matrícula, según el nivel de experimentalidad de que se trate, ensin incluyir les tases alministratives y el seguru escolar”, espliquen dende la institución académica asturiana.

Les solicitúes que se reciban van ordenase de mayor a menor nota d’almisión y va díse-yos asignando la correspondiente ayuda hasta escosar los 65.000 euros comprometíos. L’ayuda va cubrir a lo más el costu de la matrícula d’un cursu académicu completu, ensin incluyir les tases alministratives nin el seguru escolar.

  Categories: