Portada Sociedá 612 asesinaos pol franquismu van ser honraos nel Campusantu de La Carriona

612 asesinaos pol franquismu van ser honraos nel Campusantu de La Carriona

by redacción asturnews

Un total de 612 asesinaos pola represión franquista van ser honraos nel Muriu de la Memoria del Campusantu de La Carriona nuna reconocencia a toos ellos pola so llucha contra la represión y so defensa de los derechos humanos y los valores democrático.

Estes 620 persones yeren naturales, vecinos o fueron asesinaos n’Avilés, Castrillón, Gozón, Corvera o Illas ente 1937 y 1953. Esti domingu, 14 d’Abril, van ser recordaos polos sos familiares y representantes institucionales y de la memoria histórica. Tamién va recordar a los 8 homes que morrieron nos campos nazis de concentración de Mauthausen-Gusen

Ye una reconocencia a toos ellos pola so llucha contra la represión y so defensa de los derechos humanos y los valores democráticos, un llugar dignu nel que poder desenvolver actos d’alcordanza y amueses de respetu de manera individual o colectivamente.

El Muriu de la Memoria ta asitiáu na redoma de l’antigua muria del campusantu avilesín onde teníen llugar los fusilamientos mientres la Guerra Civil y el franquismu. En concretu, ocupa’l muriu esquierdu del accesu a la parte de güeseres y fornu crematoriu del Campusantu de La Carriona.

La relación  de persones recordaes nesti memorial ta verificada pol Departamentu d’Hestoria Contemporanea de la Universidá d’Uviéu a partir d’un llistáu xestionáu polos investigadores ya historiadores de diverses asociaciones memorialistas. Esti llistáu ye un puntu de partida y va establecese un sistema por que les persones qu’echen en falta a un familiar asesináu o sumíu, puedan apurrir documentación por que’l so nome pueda añedir al Muriu de la Memoria.

El muriu ta formáu por 4 plaques negres d’aluminiu resistente albentestate; suman 6 metros de llargu y 2 metros d’altu. El llistáu de nomes atópase ordenáu alfabéticamente a partir del primer apellíu de cada persona.

Tamién te podria gustar