Portada Comunicación Xaime Martínez gana’l Premiu Nacional de Poesía Nueva

Xaime Martínez gana’l Premiu Nacional de Poesía Nueva

by redacción asturnews

El poeta asturianu Xaime Martínez algamó’l Premiu Nacional de Poesía Nueva, dotáu con 20.000 euros y que se diere conocer esta selmana con “Cuerpos perdíos nes morgues. Una novela de detectives”, una obra escoyida pol xuráu pola “intelixencia poética manifiesta nel usu ficcional de la poesía”.

Martínez resultó ganador del Premiu Nacional de Poesía Nueva ‘Miguel Hernández’, correspondiente a 2019, tamién “pela so fascinante capacidá pa proponer una llectura innovadora del poema y el so apueste pola tradición de la rotura combinar con un humor coraxoso y sorprendente”.

Xaime Martínez Menéndez (Uviéu, 1993) ye Filólogu y anguaño  ta doctorándose na Universidá d’Uviéu. Ye autor de los poemarios Fueu cruzao (2014), col que ganó’l XVII Premiu de Poesía Nueva Antonio Carvajal, ya Hibernia (2017), escritu n’asturianu.L’artista forma parte tamién del grupu musical La Bande, con quien publicó los discos La llamada del home venáu (2015) y Un cadabre esquisitu (2016). Tamién ye coeditor de la revista dixital Oculta Lit y collaborador de publicaciones como PlayGround o Tentaciones, Rolling Stone o Anáfora. la crítica considéralu una de les voces poétiques más amañoses d’estos caberos años.

El xuráu d’esta edición tuvo presidíu por Begoña Cuetu Prada, subdireutora xeneral de Promoción del Llibru, la Llectura y les Lletres y como vocales tuvieron presentes Helena González Fernández, pola Real Academia Gallega/Real Academia Galega; Koldobika Josu Bijuesca Basterretxea, pola Real Academia de la Llingua Vasca/Euskaltzaindia o Vicenç Llorca i Berrocal, pol Institutu d’Estudios Catalanes. Tamién formó parte d’esti xuráu Berta García Faet, autora galardonada nel añu 2018.

Tamién te podria gustar