51 entidaes de 30 modalidaes deportives reciben subvenciones n’Avilés

51 entidaes de 30 modalidaes deportives reciben subvenciones n’Avilés
15 ochobre 13:21 2016 Imprimir

La Fundación Deportiva Municipal (FDM) del Conceyu d’Avilés repartió un total de 500.680 euros en subvenciones a les entidaes deportives, destinaes a la práctica deportiva nel conceyu d’Avilés pa esti exerciciu. Tratase del mesmu importe que nel pasáu añu 2015 dao que’l presupuestu municipal taba prorrogáu.

Nesta convocatoria concediéronse subvenciones a 51 entidaes -englobadas en 30 modalidaes deportives distintes- que contribúin a la realización a lo llargo del añu de 37 eventos y ayuden a los clubes a desenvolver la so actividá deportiva.

La convocatoria inclúi dos línea de subvención. La primera, destinada a collaborar nel desenvolvimientu y xestión de les actividaes deportives de temporada, tantu d’entrenamientu como de competición, cola cuenta de complementar los programes deportivos de la F.D.M., y contribuyir al financiamientu de los gastos derivaos de les mesmes.

La segunda llínea tien por oxetu facilitar la organización d’eventos deportivos nel conceyu d’Avilés, d’interés públicu deriváu del nivel competitivu, de la dinamización económica y promoción de la ciudá que supon, de la divulgación y fomentu de la práctica deportiva que trai. Pa ver el llistáu de Los clubes a los que se-yos concedió subvenciones pue pinchase equí

  Categories: