Portada Cine ’50 solombres de Grey’ ente les nominaciones a la peor película del añu

’50 solombres de Grey’ ente les nominaciones a la peor película del añu

by redacción asturnews

Dende 1980 lleva celebrándose los premios a les peores creaciones cinematográfiques y agora los premios Razzie llanzaron les sos nominaciones d’esti 2015: ’50 solombres de Grey’, ‘El destín de Xúpiter’, ‘Pixels’ o ‘Superpoli nes Vegues’ lideren la candidatura a la peor película nestos galardones añales que se celebren un día antes de los Oscars y que destaquen los verdaderos desastres na industria del cine.

L’actor de ‘Pixels’, Adam Sandler esta nomáu pa la candidatura de peor actor per quintu añu consecutivu, gracies a la so actuación tantu na película d’animación como en ‘Zapatero a los tos zapatos’. Pero, por si fora poco, tamién opta a ‘estauína’ a peor pareya con cualquier par de zapatos.

La película del director David Koepp ‘Mortdecai’ llévase la palma pa la candidatura a peor actor pal camaleónico actor Johnny Depp. Y a la peor pareya d’actores xuntu col so “bigote de mentira”. Lo mesmo pásalu a Kevin James na película ‘Superpoli nes Vegues’ por peor actor y peor pareya d’intérpretes cola so tamién reconocíu “bigote falsu”. Jamie Dornan tampoco se salva y llogra el so vistu bonu na última categoría pola candidatura a peor pareya d’actores con Dakota Johnson en ’50 solombres de Grey’.

Dakota Johnson tambiés ta nomada a peor actriz por estos premios añales xuntu cola estrella de “Llar duce llar’ Katherine Heigl. Mila Kunis, col so papel en ‘El destín de Xúpiter’ completa la candidatura a peor actriz, compite con Jennifer López por Obsesión’ y Gwyneth Paltrow por ‘Mortdecai’.

Kevin ta nomáu pa un tercer premiu, peor actor de repartida, pol so papel en ‘Pixels’. De forma más positiva, Elizabeth Banks, M. Night Shyamalan, Will Smith y Sylvester Stallone tán nomaos pal Premiu Razzie Redentor, galardón dedicáu pa eses estrelles que pasaron de ganadores d’estes nominaciones al ésitu profesional.

Los escoyíos pa los Premios Golden Raspberry o más conocíos como Razzies son votaos polos 900 miembros del comité Razzies y cualquier persona puede inscribise pa dar el so votu, apurriendo una cuantía cimera de 40 dólares. Los ‘afortunaos’ van conocese’l 27 de febreru.

Tamién te podria gustar