Portada Sociedá 400 congresistes de 30 países aporten a la Conferencia Internacional d’Estadística

400 congresistes de 30 países aporten a la Conferencia Internacional d’Estadística

by redacción asturnews
Foto: Pablo Fernández (https://www.flickr.com/photos/hadock/)

Esti martes entamó n’Uviéu la 22 Conferencia Internacional sobre Estadística Computacional, na que participen unos 400 congresistes de más de 30 países de tol mundu.

El congresu celebrase nel Auditoriu-Palaciu de Congresos Príncipe Felipe y nel Palaciu d’Esposiciones y Congresos y, alcontrándose promovíu dende la sección europea de la IASC (International Association Statistical Computing), ta entamáu pola la Universidá d’Uviéu al mandu de la catedrática Ana Colubi.

La conferencia va desenvolvese hasta’l vienres, con dos prolongaciones pa un cursu y pa un workshop de sábadu y domingu y nel que ta prevista la participación d’un centenar de profesionales. En paralelu al programa científicu, los congresistes van tener un programa social nel que s’inclúi visita empuesta a la ciudá y asistencia al conciertu que van ufiertar conjuntamente la Orquesta Sinfónica del Principáu d’Asturies y Uviéu Filarmonía el miércoles día 24.

Tamién te podria gustar