Portada Conceyos 400 alumnos prueben la seguridá de la Universidá nos exames presenciales

400 alumnos prueben la seguridá de la Universidá nos exames presenciales

by redacción asturnews
Foto: Hugo Pardo Kuklinsk (https://www.flickr.com/photos/18016623@N00/)

Daqué más de 400 alumnos taben llamaos güei a comprobar cómo se pon en práctica la seguridá énte la COVID-19 nos primeros exames presenciales qu’entama la Universidá d’Uviéu y que van adelantrase en dos selmanes a les prebes de la EBAU.

Les prebes fueron en trés centros: Escuela Politécnica de Mieres, Facultá de Química y Escuela d’Inxeniería Informática. Nos trés entamaba güei esti periodu d’exames ampliáu pa la convocatoria ordinaria, el qu’aprobó la Universidá p’aquelles materies que los sos docentes refugaron la evaluación telemática. La evolución de la pandemia fixo posible que, finalmente, dalgunos de los centros pudieren optar pola presencialidad. Son les primeres cites educatives, más o menos numberoses, primer ensayu, ensin dulda, de la convocatoria importante, la de la EBAU.

A les 8.45 de la mañana de güei, 35 alumnos de la Escuela Politécnica de Mieres taben citaos, sabiendo a qué puerta teníen d’allegar, cuál diba ser el camín escontra la so aula y qué midíes de seguridá teníen de respetar. Pela tarde hebo una vez mayor: cien alumnos convocaos al segundu exame del día, qu’arrincaba a les 16 hores. Los estudiantes teníen de llegar quince minutos antes.

En total, na Escuela Politécnica de Mieres van celebrar hasta’l día 2 de xunetu 64 exames. Y pa ellos, confirma la so directora, Asun Cámara, ellaboráronse 64 protocolos. Ta tou estudiáu al detalle por que nada falle nesta fase d’evaluación a la que van allegar un millar d’estudiantes (menos, en realidá, porque cada alumnu fai delles pruebes).

Tamién te podria gustar