4.000 ‘millenials’ finen una EBAU «estable» superaes les incertidumes del cursu pasáu

4.000 ‘millenials’ finen una EBAU «estable» superaes les incertidumes del cursu pasáu
07 xunu 12:53 2018 Imprimir

Los recién titulaos asturianos qu’sta selmana desenvolvieron  n’Asturies la Evaluación de Bachilleratu pal Accesu a la Universidá (EBAU) enfrentaronse a los exames con una ventaya al respective de los del cursu pasáu, la de la estabilidá na tipoloxía de la preba que fina güei.

A diferencia de la primera EBAU, que tuvo precedida per meses d’incertidume sobro la prueba, la edición d’anguaño caracterízase por una absoluta normalidá», según destacó la vicerrectora d’Estudiantes, Elisa Miguélez, antes del entamu de les pruebes na Facultá d’Economía y Empresa, una de los trelce sedes d’exames dispuestes pola Universidá d’Uviéu. Un total d’un mínimu de cuatro, si solo faen la fase d’accesu, y un máximu d’ocho, si presentáranse a cuatro pruebes na fase d’almisión.

Anguaño fueron 4.004 los inscritos, con amplia mayoría de moces (son el 57% del total). La cifra ye sustancialmente superior a la del añu pasáu, cuando s’apuntaron a la prueba de xunu 3.666 alumnos, anque a la fin, por diversu razones, 260 nun se llegaron a presentar al exame.

La vicerrectora d’Estudiantes, Elisa Miguélez, apuntó un par de razones pa esta medría. Per un sitiu, l’efectu 2000′, añu en que nacieron los mozos y moces qu’anguaño van dar el pasu a la universidá y que pertecen a la ‘xeneración millennial’ y nel que, según les estadístiques, producióse un repique demográficu. Per otru llau, tamién puede contribuyir qu’esti cursu nun ta yá vixente la disposición transitoria qu’en 2017 dexó l’accesu directu a la Universidá, ensin necesidá de realizar la prueba, a los titulaos nos cursos 2015-2016 y 2016-2017.

En total, anguaño hubo 338 inscritos más. Pel momento desconozse cuántos se presentaron. Los qu’aportaron a les aules d’exame nel primer día bien pertrechados con bolígrafu, lápiz, DNI y fueya d’inscripción na EBAU teníenlo relativamente fácil al respective del primer exame de Lengua y Lliteratura y del d’historia que vino darréu.

Les pruebes de la fase d’accesu continuaronn el miércoles con Llingua estranxera II, a partir de les 9.30 hores, y la materia de modalidá: Fundamentos del arte II, Matemátiques II, Llatín II o Matemátiques aplicaes a les Ciencies Sociales. Solo los que quieran ameyorar la so nota van tener que presentase a la fase d’almisión, que sigue pela tarde colos exames de Cultura Audiovisual II, Hestoria del Arte y Xeoloxía, a les 15.45, y Artes Escéniques, Xeografía y Bioloxía, a partir de les 18 hores. La EBAU de 2018 va concluyir esti xueves pela tarde, tres la realización de los trés últimes pruebes previstes na fase d’almisión. Les notes conocerán el xueves 14 de xunu. L’añu pasáu aprobaron el 92,47% de los que se presentaron a la convocatoria de xunu. En 2016, el 94,47%.

  Categories: