Portada Conceyos Los XIV Alcuentros de la Mocedá cola Llingua aporten a Xixón

Los XIV Alcuentros de la Mocedá cola Llingua aporten a Xixón

by redacción asturnews

El martes 25 d’abril van celebrase los décimo cuartos Alcuentros de la Mocedá cola Llingua, que organiza por 14 añu consecutivu la Oficina de Normalización Llingüística del Ayuntamientu de Xixón.

La Oficina organiza por 14 añu consecutivu un actu cultural col envís de dar a conocer la importancia de la importancia de la llingua asturiana ente l’alumnáu d’asturianu de los institutos de Xixón, al tiempu que camienten sobre’l papel qu’ellos pues cumplir nel respetu y espardimientu de les llingües con una riestra d’actividaes lúdiques. Esti añu la Oficina de Normalización Llingüística va celebralo nel Muséu del Pueblu d’Asturies ente les 9.30 y les 13.30.

Nel actu van tar presentes más de 500 mozos y moces qu’estudien asturianu nos IES de Xixón y que van participar en xuegos tradicionales cola xente d’Esbilla, talleres de fotografía con xurde Margaride, de doblaxe con Alberto Rodríguez, de baille con David Veaela, de cocina con Paula Cristóbal, de creación gráfica con Ruma Barbero de rap con Delfo Valdés.

Tamién va haber una charra sobre’l 30 aniversariu del grupu Dixebra que va Dar Xune Elipe, cuentos sobre lleendes urbanes de Dolfo Camilo Díaz y un flhas mob que van organizar la xente d’Iniciativa pol Asturianu.. Pa rematar l’actu va haber un concursu nel que los distintos institutos van interpretar diferentes cantares tradicionales y actuales, siguiendo un Karaoke.

Coles distintes actividaes del proyeutu “Saca la llingua” afitáu na participación y la tresversalidá preténdese que la mocedá s’avere a la llingua asturiana dende otru aspeutu que nun seya’l puramente académicu y qu’entame a entender la llingua asturiana como una ferramienta normal de comunicación al tiempu que va poder disfrutar de nueves y vieyes propuestes culturales al rodiu d’ella: al rodiu de la música, el teatru, la lliteratura, visita a esposiciones…

Los primeros y segundos Alcuentros de la Mocedá cola Llingua ficiéronse nel Muséu del Pueblu d’Asturies. Los terceros nel Teatru Xovellanos, los cuartos nel Xardín Botánicu Atlánticu de Xixón, los quintos y los sestos volvimos otra vuelta al Pueblu d’Asturies pa “Sacar la Llingua”. Los sétimos volvimos a facelons nel Muséu del Pueblu d’Asturies. Los octavos y novenos fadríense en Laboral Ciudad de la Cultura y asina añu tres añu hasta tornar otra vuelta al Muséu del Pueblu d’Asturies.

Tamién te podria gustar