Educación Más de 600 estudiantes d’asturianu de 12 escueles van participar nes XVI Xuntes d’Escolines y Escolinos d’Avilés by redacción asturnews 30 d'abril, 2019 written by redacción asturnews 30 d'abril, 2019 102 Más de 600 estudiantes de l’asignatura de Llingua Asturiana de 4u, 5u y 6u de Primaria de 11 escueles d’Avilés van participar esti martes 30 d’abril nes XVI Xuntes d’Escolines y Escolinos d’Avilés. L’auditoriu de la Casa la Cultura acoyerá esti alcuentru dende les 10:30 hores. L’alumnáu participante ye´l de les escules avilesines Enrique Alonso, La Carriona-Miranda, Llaranes, Palacio Valdés, Poeta Juan Ochoa, Sabugo, Apolinar García Hevia, El Quirinal, Marcelo Gago y Santo Tomás, a les que se xunta por iniciativa propia el Colexu Rural Agrupáu Castrillón-Illas. El tema d’esti alcuentru ye la obra del ilustrador avilesín Miguel Solís Santos, artista xuníu dafechu a les xuntes d’escolines y escolinos, encargáu de facer los cartelos pa esta actividá en diez ocasiones. Estes obres, ente otres, dan-y forma a la esposición “De les lletres a les imáxenes. Los cartelos de les Xuntes d’Escolines y Escolinos d’Avilés”, que se pue visitar na entrada del auditoriu de la Casa la Cultura hasta’l 8 de mayu. El mesmu ilustrador va tar nel alcuentru colos escolinos y coles escolines pa charrar de la so esperiencia como artista. Enantes, l’alumnáu trabayó en diferentes talleres los aspeutos más carauterísticos de la obra de Solís, en sesiones que se ficieron nos meses de marzu y abril. La Estaya de la Llingua d’Avilés ye quien puxa por esta actividá que ta coordinada por personal especializao de la compañía teatral Nun Tris, en collaboración col personal docente de les escueles. Más información 0 FacebookTwitterPinterestEmail Anterior El Ciclu Puru Teatru vuelve al CMI de L’Arena siguiente El club de llectura de la Biblioteca Bárganos Candamo analiza la novela Cantar Duce Tamién te podria gustar Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes L’ALLA abre’l plazu pa los cursos de la... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... El Principáu y la UOC firmen un conveniu... Asturies destaca en comprensión llectora L’IES Real Institutu Xovellanos entama sos primeres Xornaes... Xornada Evaluación de programes educativos Entamen los talleres ‘Enfoca la to vida’ n’Avilés...