Portada Plástiques El barriu de Pumarín yá lluz arguyosu’l gran pumar de Agostino Iacurci

El barriu de Pumarín yá lluz arguyosu’l gran pumar de Agostino Iacurci

by redacción asturnews

L’artista Agostino Iacurci yá remató’l mural de la medianera de l’avenida de Pumarín, 11. L’artista italianu pintó un enorme pumar a pidimientu de los vecinos, que-y solicitaron que’l mural fixera referencia al nome del barriu.

La finalización d’esta intervención artística supon l’estrenu de la programación de la primer edición de Parees, festival entamáu pola Fundación Municipal de Cultura d’Uviéu.

Iacurci tuvo dellos díes n’Uviéu somorguiándose na realidá del barriu. Al pie de los vecinos del númberu 11 de l’Avenida de Pumarín, escurrió un gran pumar que yá lluz na medianera.

Con esta obra, Uviéu sumase a ciudaes como Berlín, Atlanta, Roma, Kiev o Nueva Delhi, que llucen murales del artista italianu.

Tamién te podria gustar