La Conceyalía d’Igualdá d’Avilés programa 10 nuevos talleres gratuitos pa muyeres

La Conceyalía d’Igualdá d’Avilés vieno acabante programar 10 nuevos talleres gratuitos pa muyeres que van Tener llugar demientres los meses de febreru a mayu.

Estos 10 nuevos talleres gratuitos tomen temes como’l desenvolvimientu personal, social, psicocorporal y cultural con perspectiva de xéneru. El plazu d’inscripciones vieno acabante d’entamar esti martes 30 de xineru, con modalidá presencial y online. 376 muyeres participaron nos 21 talleres desenvueltos mientres el pasáu añu

La Conceyalía d’Igualdá del Conceyu d’Avilés programó 10 nuevos talleres gratuitos abiertos a la participación de muyeres, que van impartise mientres los meses de febreru, marzu, abril y mayu, na Casa d’Alcuentru de les Muyeres, allugada nel Edificiu Fueru (C/ Fernando Morán 26). Amás de l’actividá regular d’estos talleres, les muyeres participantes van poder asistir, mientres el desenvolvimientu de los mesmos, a otres actividaes puntuales como visites en grupu, charres-coloquiu o conferencies sobro temátiques del so interés. Coles mesmes, va promovese la participación n’actividaes impulsaes poles conceyalíes d’Igualdá d’otros conceyos de la contorna d’Avilés.

El plazu d’inscripciones va permanecer abiertu hasta cubrir les places correspondientes a cada taller. La inscripción podrá realizase nes siguientes modalidaes:

Presencial: nes sedes del Serviciu d’Atención Ciudadana

Plaza d’España 1. Llunes, miércoles y vienres de 8:00 a 14:30 hores. Martes y xueves de 8.00 a 17 hores.
Centru de Servicios Municipales “El Focu” (C/Santa Apolonia, 126). De llunes a vienres de 8:00 a 14:30 hores

Online: al traviés de http://www.aviles.es/TSAviles/

Coles mires de favorecer la participación del máximu númberu de muyeres comenenciudes, estableciéronse les siguientes normes d’inscripción:

Cada muyer podrá inscribise nun máximu de cinco talleres
Nun se dexa la inscripción en talleres yá realizaos n’ediciones anteriores
Non podrá participase en más talleres cuando n’unu d’ellos cúntese con más de trés faltes d’asistencia

Les persones comenenciudes n’inscribise nestos talleres pueden resolver les sos duldes o llograr más información sobro los mesmos poniéndose en contactu cola Casa d’Alcuentru de les Muyeres, presencialmente na so see del Edificiu Fueru (C/ Fernando Morán 26) o nel teléfonu 985 527 546.

Nel añu 2017 punxéronse en marcha 21 talleres, nos que participaron un total de 376 muyeres. Tamién s’entamaron otres actividaes como’l percorríu con perspectiva de xéneru pela ciudá, según delles acciones de dinamización social. Más de 80 muyeres participaron nestes actividaes paraleles.

Más información