Mapi Quintana va traer Jazz asturianu a la Nueche Blanca

Mapi Quintana va participar na Nueche Blanca de Xixón con un conciertu bien especial nel Muséu Casa Natal de Xovellanos esti 30 de setiembre a les 22 hores.
Mapi Quintana ye unu de los nomes más destacaos de la escena jazz asturiana. Formada nel conservatorio de Ámsterdan, lleva más de dos décades integrada en proyectos musicales rellacionaos col jazz, la música tradicional asturiana y l’improvisación. Con La Maramoniz presenta un proyectu musical trad non trad (música tradcional non tradicional). Melodíes tradicionales asturianes y otres de composición propia, ritmos asturianos tradicionales y paisaxes sonoros na percusión y harmonía inspirada na música impresionista y el jazz de la segunda metá del sieglu XX, son los ingredientes d’esti repertoriu.

Componentes:

Mapi Quintana (voz y contrabaxu)
César Latorre (pianu y teclaos)
Sonia Cartón (voz, toy pianu y tecláu)
Juanjo Díaz (percusión tradicional y electrónica)
Jorge Irazábal (técnicu de soníu)

Muséu Casa Natal de Xovellanos
30 de setiembre de 2022 a les 22:00