Portada Conceyos Esti miércoles clausúrase’l proyectu Data4PYME

Esti miércoles clausúrase’l proyectu Data4PYME

by asturnet

Esti miércoles 29 de xunetu a les 10 hores, va tener llugar la xornada “El poder del datu:afaya cómo saca-y el máximu partíu a la información de la que dispon la to empresa”, na que se van esponer les resultancies del proyectu y van analizase les posibilidaes que la esplotación de los datos ufierten a les empreses. Amás va cuntase cola presencia y el testimoniu de delles de les empreses participantes en Data 4 PYME, con cuenta de que puedan cuntar la so esperiencia.

La xornada, que va ser online, ta abierta a públicu y toles persones que deseyen apuntase, pueden faelo al traviés d’esti enllaz.

DATA4PYME ye un proyectu de CTIC Centru Tecnolóxicu, cofinanciáu al traviés de la Convocatoria Incentivos al Ecosistema de Desenvolvimientu Empresarial de Xixón Impulsa, qu’empezó en febreru de 2020 coles mires de fortalecer les capacidaes de les pymes del conceyu de Xixón al traviés d’un serviciu d’acompañamientu qu’ayudara a les empreses a incorporar técniques de “business intelligence”, encetando los desafíos específicos que surden de l’aplicación d’estos procesos y tecnoloxíes a la realidá del negociu.

Nel marcu del proyectu trabayose mientres los postreros cinco meses, con ocho empreses de distintos sectores y tamaños: turismu, tresporte de viaxeros, estética, comerciu, construcción ya industria.

Tamién te podria gustar