Uviéu y CaixaBank impulsen ente’l comerciu uvieín la ferramienta Social Commerce

La situación xenerada pola COVID-19 ta obligando a tolos sectores de la economía a tenese que reinventar pa siguir cola so actividá. Ye por ello que’l Conceyu d’Uviéu y CaixaBank axuntaron a un centenar de comercios de la capital por qu’al traviés d’un webinar impulsáu per Uviéu Entama, conocieren una de les ferramientes que ta revolucionando’l eCommerce, Social Commerce.

Trátase de la solución tecnolóxica Social Commerce, desenvuelta por CaixaBank pa xestionar compres online directamente al traviés de redes sociales y aplicaciones de mensaxería. D’esta forma, facilitar al comerciu que pueda realizar vientes a partir d’ufiertes llanzaes dende los sos perfiles en Facebook, Twitter, Instagram, Whatsapp, Telegram o cualesquier otra vía de comunicación col veceru final, ensin necesidá de caltener una tienda virtual o xuna páxina web propia.

Según l’Estudiu Añal sobro Redes Sociales 2018 de l’Asociación de Publicidá, Marketing y Comunicación Dixital (IAB Spain), un 81% de los usuarios siguen a les marques en dalguna rede social y pa un 27% xenera enfotu’l que xuna marca tenga perfil nes redes sociales. Un 53% de los usuarios busca información en dalguna rede social antes de realizar les sos compres por Internet.

Esta ferramienta presentada a los comercios asturianos analiza cuántes interacciones tuvo la publicación del comerciu pa da-y la información que lu va ayudar a aplicar les midíes necesaries pa tener un mayor espardimientu. Pudiendo asina amontar l’algame de la so publicación y llegar a un númberu mayor de consumidores potenciales, lo que va faer crecer el so negociu. Tocantes a los veceros, éstos reciben les ufiertes al traviés de los perfiles y aplicaciones de mensaxería del comerciu, y si-yos gusta’l productu, pueden mercar al traviés d’un enllaz que los lleva directamente a les instrucciones de pagu. El comerciante recibe la información de la vienta qu’acaba de realizar y asina yá puede empezar a xestionar la unviada del pidíu.