Portada Conceyos 26 artesanes y 2 talleres nel III Mercáu Artesanal de Muyeres d’Avilés

26 artesanes y 2 talleres nel III Mercáu Artesanal de Muyeres d’Avilés

by redacción asturnews

El Mercáu Artesanal de Muyeres consolidase n’Avilés cola celebración, esti sábadu 4 d’agostu, de la so tercer edición na que van coincidir 26 artesanes y 2 talleres.

La iniciativa xorrez anguaño cola participación de 26 artesanes asturianes, 6 más que na edición anterior, que se van instalar nel parque de Les Meanes, concretamente nel Paséu del alcalde David Arias. L’horariu d’apertura va ser ininterrumpíu dende les 11.00 hasta les 21.00 hores. La organización del mercáu cuerre al cargu de la Asociación Cultural D’Aky, en collaboración cola Conceyalía d’Igualdá del Conceyu d’Avilés.

La conceyala d’Igualdá, Raquel Ruiz, va realizar una visita esti sábadu a les 12 del mediudía pa saludar a les artesanes y visitar el mercáu qu’anguaño va cuntar con 22 carpes nes qu’artesanes y creatives que van amosar los sos variaos productos fechos a mano: xoyes, complementos, bolsos, bixutería, sombreros y tocaos, madera, cueru, cordura, puntu y crochet, xuguetes y muebles restauraos, ente otros.

La gran novedá d’anguaño ye que, amás de los puestos d’esposición y vienta artesanal, van desenvolvese dos talleres coles mires de dinamizar l’espaciu y contribuyir a ufiertar un aliciente más por que la población d’Avilés pueda esfrutar d’una tarde d’ociu nel Parque de les Meanas:

Piedres Suañaes. Tutelaes pola artesana Elena Díez, toles persones que quieran participar van poder decorar una piedra que van poder llevase pa utilizala como imán na nevera, pisapapeles o cualesquier otru usu decorativu que consideren oportunu. va desenvolver a les 13.00 hores.

Taller de tortos con picadiellu y veganos. Entamáu por “DesfaciendoMaiz”. Amás d’amasar coles sos propies manos al estilu más tradicional, les persones participantes van poder tastiar la resultancia final. Esti taller va desenvolver de 19.00 a 20.00 hores.

Más información

Tamién te podria gustar