257.000 euros pa reforzar la enseñanza escolar d’idiomes

257.000 euros pa reforzar la enseñanza escolar d’idiomes
05 ochobre 12:56 2018 Imprimir

Un total de 257.000 euros ye la cantidá consignada n’Asturies pa reforzar la práctica de llingües estranxeres nos centros escolares, sigún alcordó’l Conseyu de Gobiernu esta selmana.

Acotar esa cantidá pa dar aliendu a la práctica de les llingües estranxeres foi una de les midíes alcordaes esta selmana pol Conseyu de Gobiernu, que, tres la so xunta, esplicó que van ser 46 persones en total, procedentes d’Estaos Xuníos, Reinu Uníu, Filipines, Australia, Irlanda, Francia y Canadá quien van recibir ayudes individuales de 5.600 euros. Esti nuevu grupu de profesores van xunise asina a los once auxiliares que, en virtú d’un alcuerdu ente la Conseyería d’Educación y la Comisión Fulbright, yá realicen xeres de sofitu en llingua inglesa.

Esto ye, que van ser 57 los auxiliares de conversación que van reforzar esti cursu la enseñanza d’idiomes nos centros educativos non universitarios sosteníos con fondos públicos. Dambos programes nacen de la necesidá d’ameyorar el nivel de competencia oral del alumnáu y pretenden impulsar la enseñanza de les llingües, según promover el plurillingüismu y averar a los estudiantes d’idiomes a una realidá multicultural. Amás, el Gobiernu dio lluz verde a los currículos de dos nuevos ciclos de Formación Profesional de grau cimeru, Electromedicina Clínica y Estilismu y Dirección de Peluquería.

  Categories: