Vuelve la nueva temporada del Programa d’Ociu Xuvenil d’Uviéu

by redacción asturnews | septiembre 28, 2018 9:25 am

Esti vienres 28 de setiembre, vuelve la nueva temporada del Programa d’Ociu Xuvenil d’Uviéu, una iniciativa qu’engloba La Nueche ye To y DOLCE17, ufiertando 104 actividaes a los mozos uvieinos d’ente 12 y 35 años.

La conceyala d’Atención a les Persones ya Igualdá y responsable de la Área de Mocedá, Marisa Ponga, presentó esta selmana l’elencu d’actividaes previstes pal últimu trimestre del añu dientro del Programa d’Ociu Xuvenil d’Uviéu en compañía de la directora de la Área de Prevención de la Fundación CESPA-Proxecto Home, Arancha Fernández. Dicha iniciativa, que engloba de la mesma los programes La Nueche ye To, dirixíu a persones d’ente 18 y 35 años; y DOLCE17, p’adolescentes d’edaes entendíes ente los 12 y los 17 y que va dar el pistoletazu de salida a la so nueva temporada esti vienres 28 de setiembre. El programa toma como referencia estratexes educatives y xeneradores d’alternatives d’ociu. Aúna distintos proyectos y actuaciones que se desenvuelven nel ámbitu del ociu y tiempu llibre xuvenil dende una perspectiva de promoción de xeneración d’estilos de vida saludables.

En total programáronse pa esti últimu trimestre del añu un total de 104 actividaes, trés talleres de continuidá y trés eventos d’información y sensibilización. Al igual qu’años anteriores van desenvolver mientres les fines de selmana –sábados y domingos de 17.00 a 20.00 hores, nel casu de DOLCE17; y vienres y sábados de 23.00 a 2.00 hores, en La Nueche ye To. va desenvolver mientres 8 fines de selmana, dende’l vienres 28 de payares hasta’l domingu 18 de payares. Les actividaes van celebrase nel CS de Pumarín y nel Centru Xuvenil de Santullano y nun van precisar inscripción previa, sacante los maratones y los talleres de continuidá, a los que los comenenciudos van poder apuntase hasta una selmana antes de la so celebración. Nel programa DOLCE17 van ser dos maratones y un taller – bádminton/speedminton y esgrima antigua; y mazapanes y decoración navidiega, respectivamente- y pa La Nueche ye To dos talleres (cocines del mundu y yoga dinámico) y un maratón (fútbol sala). Tocantes a les actividaes d’información y sensibilización van ser trés, y van coincidir col Día Ensin Alcohol, el Día Internacional contra la Violencia de Xéneru y el Día Mundial de la Llucha Contra’l Sida.

Tamién se va siguir col desenvolvimientu d’actividaes nos centros educativos al traviés de los programes escolares incluyíos nel Plan Municipal sobro Drogues, y cola iniciativa bookcrossing, lliberando exemplares demientres les fines de selmana y n’acciones puntales como na Nueche en Blanco.

Pa más información, inscripciones y consulta del programa completu queda a disposición la páxina web municipal www.oviedo.es/ociojuvenil[1], el email ociojuveniloviedo.es y los teléfonos 984 08 37 23 y 985 21 52 62.

Endnotes:
  1. www.oviedo.es/ociojuvenil: http://www.oviedo.es/ociojuvenil

Source URL: http://asturnews.com/25092018-la-nueva-temporada-del-programa-dociu-xuvenil-duvieu-vuelvel-proximu-28-de-setiembre/