25 mozos participen nel Clinic Mozu Emprend@

25 mozos participen nel Clinic Mozu Emprend@
02 setiembre 12:23 2020 Imprimir

Un total de 25 mozos d’ente 18 y 30 años participen nuna nueva edición del Clinic Mozu Emprend@ como entamadores empresariales (con una idea de negociu), sociales (con un proyectu non codalosu o asociativu) o intraemprendedores (con moliciones profesionales) que se vien desenvolviendo dende’l primeru de setiembre hasta’l 11 del mesmu mes n’Avilés, Ayer y Xixón.

El Clinic Mozu Emprend@, que cumple la so XIV edición, ye un programa intensivu de capacitación ya impulsu a nuevos talentos del emprendimiento n’Asturies. Mientres les trés primeres xornaes, los mozos participantes van conocer los activos colos qu’Avilés cunta pa los distintos ámbitos de emprendimiento.

Tratase d’una iniciativa pionera dientro de la Unión Europea pa la capacitación del mozu capital humanu en materia de emprendeduría. Enmárcase dientro del Programa de Fomentu de la Cultura Entamadora del Gobiernu del Principáu d’Asturies. Y foi galardonáu col Premiu Nacional CECAP a la meyor iniciativa formativa n’España 2009-2010 y reconocíu como meyor práctica entamadora pol Conseyu Cimeru de Cámares de Comerciu d’España y por delles redes internacionales de ciudaes. La participación nel Clinic ye totalmente gratuita. Les 25 persones que nestos díes participen nes sos actividaes resultaron escoyíes por un xuráu mientres el mes de xunu.

La segunda de les trés xornaes del XIV Clinic Mozu Emprend@ n’Avilés entamaba esti miércoles 2 a les 10 hores cola visita a la Factoría Cultural. L’oxetivu d’esta visita empuesta pola directora del centru, Anabel Barriu, va ser conocer les posibilidaes de emprendimiento cultural na ciudá, tomando contactu directu coles instalaciones y con innovadores artísticos como l’artista plásticu Pablo Hugo Raspiada y Santiago Longo de Fundición Auriga.

A les 12 hores, los y les participantes nel Clinic van visitar el Centru Tecnolóxicu del Aceru de Fundación IDONIAL, de la mano de David González y Daniel Fernández del departamentu d’Estratexa y Desenvolvimientu de Negociu de Fundación Idonial.

Yá pela tarde, a les 16:30 hores, los mozos participantes van asistir a una visita empuesta poles instalaciones de la Rula d’Avilés, como elementu integrador del sector pesqueru asturianu que favorez los procesos de comercialización pesquera por aciu un sistema de puya digitalizado, dinámicu y climatizáu. L’encargáu de dirixir la visita empuesta va ser el xerente de Nueva Rula d’Avilés, Ramón Álvarez.

El programa pal miércoles 4 va desenvolvese íntegramente nel Centru d’Estudios Universitarios. Va Arrincar a les 12 hores con una charra d’Ana Lamela, directora del Centru d’Empreses La Curtidora y delles empreses agospiaes “Que m’ufierta Avilés pa empecipiar el mio proyectu”.

Más información

  Categories: