237 neñes y neños participen nos talleres artísticos infantiles de la Factoría Cultural

237 neñes y neños participen nos talleres artísticos infantiles de la Factoría Cultural
08 ochobre 18:07 2018 Imprimir

La Factoría Cultural empieza esta tarde’l cursu académicu 2018-2019 no que fai a los talleres infantiles y fueron 237 les neñes y los neños que se matricularon, nos distintos cursos que s’ufierten. Les clases van desenvolvese de 17 a 20 hores, tolos vienres, nes aules del centru de l’Avenida de Portugal, 13.

Pa esti cursu, l’alumnáu infantil de la Factoría Cultural púdose matricular en seis talleres distintos. Cuatro siguíen del añu pasáu, el Taller de Teatru, de Semeya, de Cerámica y de Pintura, y dos fueron novedá, el Taller de Grabáu y Estampación, y el de Dancie Hall.

Los cursos, estremaos en función de la edá, cunten col siguiente númberu de neñes y neños matriculaos: Taller de Cerámica, 68;  Taller de Pintura, 67; Taller de fotografía, 22; Taller de Teatru, 36; Taller de Grabáu, 16, y Taller de Dancie Hall, 28.

Tan solo quedaron dos places llibres nel Taller de Teatru, y otres ocho nel de Dancie Hall.

  Categories: