La segunda sesión de “Ciencia con Palombines” dedícase a la enerxía llimpio

La segunda sesión de “Ciencia con Palombines” dedícase a la enerxía llimpio
23 ochobre 12:34 2018 Imprimir

Esti martes 23, a les 18:30 hores nel Centru Tecnolóxicu del Aceru, y sol títulu “Enerxía: de fósil a sostenible”, desenvuelvese la segunda sesión de “Ciencia con Palombines” dedicada a la enerxía seguro, llimpio y eficiente, cola participación d’espertos de la ArcelorMittal y les fundaciones ITMA y Asturiana de la Enerxía.

El ciclu “Ciencia con Palombines” celebra esti martes díes 23 la so segunda sesión, dedicada a la enerxía seguro, llimpio y eficiente. Va Ser a les 18:30 hores nel Centru Tecnolóxicu del Aceru d’Avilés sol títulu “Enerxía: de fósil a sostenible” y cola participación de los siguientes espertos, con perfil investigador y científicu:

– Indalecio González. Responsable Área d’Enerxía Anovables de la Fundación Asturiana de la Enerxía.

– José Manuel Ponte. Investigador Senior de ArcelorMittal  Global R&D Asturies

– Elena Mielgo, investigadora de la Unidá d’Integridá Superficial y Escomiu. Fundación ITMA.

Van dar a conocer esperiencies que se desenvuelven yá n’Asturies a partir de soluciones innovadores de base científica en respuesta al retu de la enerxía, nun espaciu informal y abierto d’alderique ya intercambiu d’idees,  coles mires d’averar la ciencia a la ciudadanía. Les persones interesaes en participar pueden inscribise nel corréu empresasaviles.es. va poner a la so disposición un autobús que va salir a les 18:15 hores de del Centru d’Empreses La Curtidora.

“Ciencia con Palombines” ye un proyectu del Conceyu d’Avilés cofinanciáu por FECYT y el Parque Científico y Tecnolóxico “Avilés Isla de la Innovación” y forma parte del dientro del Programa “Avilés con Ciencia”. El so oxetivu ye encetar cada unu de los retos identificaos na Estratexa Horizonte 2020.

Los alcuentros, que se van desenvolver ente setiembre de 2018 y marzu de 2019, van fuxir d’espacios formales y busquen la cercanía ente los espertos y l’audiencia. La idea ye averar la ciencia y l’alderique científicu a persones comenenciudes ensin que cunten con una formación eminentemente científica cola collaboración d’investigadores y espertos en divulgación.

Otra de les  Actividaes del proyectu “Avilés con Ciencia” ye Descubre’l Centru del Acero, Centru Tecnolóxicu allugáu n’Avilés  que desenvuelve la so actividá nel campu de los materiales contribuyendo al impulsu y al desenvolvimientu del texíu empresarial, utilizando pa ello la tecnoloxía aplicada a los materiales como preséu estratéxicu de meyora de la competitividá.

Los que  deseyen participar en dalguna de les trés visites que se desenvuelven d’equí a final d’añu pueden inscribise nel siguiente enllaz: https://goo.gl/xKzQ5f

  Categories: