Los Reis y Macri llevantaron el telón d’ARCO que se clausura’l domingu

24 febreru 09:23 2017 Imprimir

Los Reis, el presidente d’Arxentina, Mauricio Macri, y la so esposa, Xuliana Awada, inauguraron esta selmana en Madrid la 36 edición de la feria d’arte contemporaneo ARCO con un percorríu por delles de les galeríes que participen nel certame,  col país suramericanu como convidáu especial.

La feria d’arte contemporaneo más relevante d’España, que se va clausurar esti domingu, cuenta anguaño con unes 200 galeríes procedentes de 27 países, de les qu’una docena son arxentines. Magar coincidir colos momentos previos en que se daba a conocer si diba haber o non midíes cautelares contra Urdangarin pol casu Noos, los monarques amosáronse en tou momentu relaxaos y caltuvieron la sorrisa mientres gran parte de la so visita.

La espectación que xeneró la so visita foi grande ya inclusive llevó a complicar el llabor de dellos galeristes que víen ‘invadíu’ el so stand tantu por curiosos como por dellos periodistes qu’acompañaben a la comitiva, lo que provocó dalguna quexa.

  Categories: