Portada Sociedá El Conceyu d’Uviéu yá cunta con bucles magnéticos pa discapacitaos auditivos

El Conceyu d’Uviéu yá cunta con bucles magnéticos pa discapacitaos auditivos

by redacción asturnews

Los rexistros municipales yá cunten con bucles magnéticos para facilitar l’atención a les persones con discapacidá auditiva. La selmana pasada foron presentaos pola concejala d’Atención a les Persones, Marisa Ponga, y la conceyala d’Estadística, Cristina Pontón, nel rexistru de la cai Quintana. 

Un bucle magnéticu ye un aparatu inalámbricu que crea un campu d’aprosimao un metro y mediu de distancia qu’aislla del ruiu d’ambiente y facilita asina la comunicación con persones que lleven un audífonu o implante coclear. Esta iniciativa, tresversal a toles árees, supon un impulsu na meyora de l’accesibilidá, y ta enmarcada nel plan estratéxicu ‘L’Uviéu de les Persones’ de la conceyalía d’Atención d’a les Persones. Según señaló la conceyala Marisa Ponga “lo que se pretende ye establecer elementos p’algamar l’oxetivu de l’accesibilidá universal, y que toles persones, con independencia de les sos condiciones, tengan los mesmos derechos  a la d’exercer la so ciudadanía”.

Adquiriéronse un total de dolce bucles magnéticos, unu pa cada rexistru municipal, que van ameyorar significativamente l’atención de les persones con discapacidá auditiva y a les persones mayores que faen usu d’audífonos. “Ye una midida relativamente senciella que namá fai falta saber qu’esiste y tener voluntá d’aplicala” aseguró la conceyala Cristina Pontón.

Uviéu ye’l primer conceyu asturianu que cunta cola figura de Técnicu d’Accesibilidá, que la so llabor ye desenvolver acciones dientro del plan estratéxicu, y la orientación y asesoramientu a la ciudadanía y a otros departamentos nesta materia. Amás la web municipal cuenta con un espaciu de “Accesibilidá” onde se publiquen bones práctiques con persones mayores, persones con discapacidá y documentación sobro la materia.

Tamién te podria gustar