Portada Uncategorized Ún de cada cinco adolescentes nun tien más que’l títulu de la ESO

Ún de cada cinco adolescentes nun tien más que’l títulu de la ESO

by redacción asturnews

El porcentaxe de mozos españoles d’ente 18 a 24 años que tenía a lo más el títulu d’enseñanza secundaria obligatoria asitiase nel 17,3% según datos del informe “Panorama de la educación. Indicadores de la OCDE 2020”. Un datu dafechu esmolecedor.

L’amenorgamientu del abandonu escolar ye un elementu clave pal posterior amenorgamientu del desemplegu ente los mozos. A pesar de que n’España la tasa d’abandonu escolar algamó’l so nivel más baxu en 2019, ésta foi la mayor de la Unión Europea.

Esi mesmu añu, según datos del informe “Panorama de la educación. Indicadores de la OCDE 2020”, del grupu de mozos españoles ente 15 y 29 años, solo’l 51,3 % taba estudiando, el 30,4 % nun estudiaba, pero trabayaba, y el 18,3 % nin estudiaba nin trabayaba. En comparanza cola media de los países de la OCDE, el porcentaxe yera cimeru nel casu de los mozos qu’estudiaben (OCDE 47,1 %), siendo mayores les diferencies ente los que nun estudiaben, pero taben ocupaos (OCDE 39,9 %), y los que nun taben estudiando y taben desemplegaos o inactivos (OCDE 13,0 %).

La proporción de mocedá nesi tramu d’edá que nun tán n’educación y amás tán desemplegaos o inactivos, un grupu de población qu’esmolez de manera especial por cuenta de la so gran vulnerabilidá, varia d’un país a otru. En 2019, el porcentaxe de mozos nesta situación yera cimera al 20% en países como Brasil (24,9 %), Italia (23,7%) o México (20,7%), ente que en Países Baxos (6,9%) o Alemaña (8,2%) nun algamar el 10%.

Fuente: https://es.statista.com

Tamién te podria gustar