19 compañíes y 186 candidatures opten a los Premios “Oh!” d’Artes Escéniques

L’Asociación d’ Empreses d’ Artes Escéniques “EscenAsturias” recibió 186 candidatures na decimotercer convocatoria de los Premios Oh! de les Artes Escéniques d’Asturies.

Los “Oh!” son los galardones colos qu’añalmente se reconoz el talentu de los profesionales de la escena rexonal y nesta edición van ser apurríos nuna ceremonia que se va celebrar el 4 de febreru de 2022 nel teatru Xovellanos de Xixón.

Ventiún espectáculos de 19 compañíes profesionales asturianes aspiren siquier a unu de los once “Oh!” nes categoríes: Meyor Espectáculu, Meyor Espectáculu para la infancia, Meyor Dirección, Meyor Intérprete Masculín, Meyor Intérprete Femenina, Meyor Autoría o Coreografía, Meyor Producción, Meyor Composición Orixinal-Espaciu sonoru, Meyor Escenografía-Espaciu Escénicu, Meyor Indumentaria o Caracterización y Meyor Diseñu de Llume.

Les compañíes que presentaren candidatures a la nueva edición de los “Oh!” son: Piquero Teatro (“Black Friday”), Las Ganas Teatro (“Las ganas. El principio”), Arte Producciones (“Setiembre”), El desván de los deseos (“La senda que deja el aire”), Teatro del Norte (“Medea, la extranjera”), Proyecto Piloto, (“El último día de invierno”), A66 Producciones (“Abre el ojo”), Teatro a las Puertas (“Aullido”), Teatro del Cuervo (“Todo está allí”), Teatro del Cuervo & Realidad Traviesa (“B-612”), Escena Vertiente (“Un segundo para rezar o permítame un segundo para vomitar”), Higiénico Papel Teatro (“Cuarteto”), Higiénico Papel Teatro (“Consecuencias de la sed”), Adrián Conde (“Recuerdos”), Luz de Gas Teatro (“Tan noble reina como eres”), Teatro Plus (“Pan”), El Callejón del Gato (“Cine María Cristina”), Factoría Norte (“Los ruidos de la noche”), Factoría Norte (“Les piripirates con parches y a lo xole”), Carlos Alba (“Looking for the magic unicorn”) y Alba. G. (“Mordiendo la verdad”).