Portada Música “18 días” en conciertu dientro del ciclu COMA5 en Xixón

“18 días” en conciertu dientro del ciclu COMA5 en Xixón

by redacción asturnews

“18 días”, grupu ganador del tercer premiu del concursu de maquetes COMA5, van actuar nel CMI Pumarín Xixón Sur esti próximu vienres 10 de xunu a les 19,30 hores con entrada llibre hasta completar aforu.

El concursu de maquetes COMA, convocáu pol Departamentu de Mocedá del Conceyu de Xixón y el Teatru Xovellanos cada dos años, tien como fin promover y espublizar la creación y el trabayu musical de los grupos y solistes usuarios de los Locales d’Ensayu de Xixón. Y ente tolos participantes nel concursu escoyeron nueve grupos finalistes, que van grabar mientres anguaño un CD con dos temes de cada banda. Cinco d’esos grupos van actuar en directu nos Centros Municipales de la ciudá dientro d’un circuitu diseñáu polos Departamentos de Mocedá y de Proyectos Culturales de la Fundación Municipal de Cultura, Educación y Universidá Popular.

18 Díes ye un grupu de rock formáu en 2003 por Daniel Farpón(voz y guitarra) y Victor Ordiz(Guitarra y coros), al que se fueron xuniendo, enuna primer etapa, Gabriel Fernández (Baxista) y Pedro Roses(baterista).Anguaño tamién cunten con Nuria García como guitarrista.

Empezó la so andadura sol nome de “Anoth3r”,llegando a quedar primeros a nivel rexonal y segundos a nivel nacional nel concursu de Nuevos Talentos de Coca Cola. En 2007 el grupu eslleióse,retomando’l trabayu en 2014 pa presentase al concursu de maquetes deCulturaquí y Los 40 Principales. En 18 días prepararon la so participación na final de dichoconcurso. Ganar, grabando como premio’l discu “18 días”, quehan presentáu en distintes sales d’Asturies.

Web: www.18dias.com

Facebook: www.facebook.com/18dias

 

Tamién te podria gustar