Portada Educación Educación ufre na ESO una asignatura sobro igualdá de xéneru

Educación ufre na ESO una asignatura sobro igualdá de xéneru

by redacción asturnews
Foto: AEMTG (https://www.flickr.com/photos/esmtg/)

La Conseyería d0Educación vieno acabante poner a disposición de los centros de Secundaria una asignatura sobro igualdá de xéneru empobinada al alumnáu de terceru de la ESO.

La Conseyería d’Educación acaba poner a disposición de los centros de Secundaria’l currículu d’una nueva asignatura por que puedan ufiertar el próximu cursu como materia de llibre configuración (llibre elección). Tratase d’Igualdá de Xéneru y va dir dirixida al alumnáu de terceru de la ESO. Educación considera «necesaria» esta asignatura. Porque «a pesar de les meyores consiguíes na consecución de la igualdá, esi equilibriu falta de ser real y efectivu n’ensame d’ámbitos». Ello ye que diz, «entá güei ponse de manifiestu ente los nuesos alumnos de distintos sexos y edaes».

Y esta circunstancia, sorraya, «enzanca les relaciones interpersonales, la convivencia y la construcción d’una sociedá llibre, cohesionada, igualitaria y xusta». D’ende que’l departamentu que dirixe Genaro Alonso vea «necesaria xuna materia que promueva la reflexón y l’actitú crítica énte situaciones de desigualdá y discriminación col fin de siguir avanzando nel camín escontra la plena igualdá de xéneru».

Nun documentu fechu públicu yá n’Educastur.com, la conseyería detalla los conteníos de l’asignatura, que se va articular en cuatro bloques temáticos. El primeru va ser la socialización de xéneru y nél encetará la construcción de la identidá masculino y femenino y la interiorización de los roles de xéneru. Tamién se van tratar los estereotipos sexistes y cómo s’afiguren nel llinguaxe y nos procesos de comunicación.

Tamién te podria gustar