La Factoría Cultural abre la matrícula pa 14 actividaes infantiles, xuveniles y d’adultos

La Factoría Cultural abre la matrícula pa 14 actividaes infantiles, xuveniles y d’adultos
18 setiembre 10:59 2020 Imprimir

La Factoría Cultural abre’l plazu de matrícula pa les actividaes infantiles (5-16 años), xuveniles (16-21 años) y pa adultos que va impartir  mientres esti cursu 2020-21. Tratase de 14 talleres, que les sos clases van empezar el próximu 5 d’ochobre.

La matrícula tendrá de realizase de forma presencial na mesma Factoría Cultural (avenida de Portugal, 13). Pa ello, va ser necesariu solicitar cita previa dende’l miércoles 16 al traviés de www.aviles.es. El plazu de matrícula abre’l xueves 17 de setiembre, n’horariu de llunes a vienres de 9.00 a 14.00 hores, y los miércoles, tamién de 17.00 a 19.00 hores.

Nel casu de los cursos infantiles, los grupos van constar de 8 integrantes a lo más, y tan solo va ser posible la matriculación n’unu, con un preciu de 6 euros la matrícula y de 6 euros cada mensualidá. Nos cursos xuveniles (10 euro matrícula y 10 euros al mes) y d’adultos (60 euros la matrícula y 31 euros cada mes), el númberu máximu d’integrantes va ser de 10.

Ente los talleres pa los neños y les neñes (de 4 a 16 años) son novedá’l d’animación stop-motion, y el de fotografía ya imaxe gráfica, y caltiénense los de teatru, cerámica, pintura, grabáu y estampación, cantar coral y bailles hip-hop y commercial. Pa los mozos (16 a 21 años, nacíos ente 1999 y 2004) prográmase un Taller de Cerámica.

Y les persones adultes van disponer, dientro de la Escuela de Cerámica, de los talleres “Cuerpu y piel Cerámico”, “Diseñu, técnica y materia”, “Aproximamientu a la cerámica, iniciación, perfeccionamiento”, “Desenvolvimientu profesional cerámicu” y “Proyectu personal artísticu, alfareru decorativu o utilitariu”.

Más información

  Categories: