L’Alcalde d’Uviéu convoca la primer mesa de trabayu sobro la área metropolitana central

L’alcalde, Wenceslao Lopez, convocó esta selmana a tolos grupos municipales de la corporación municipal  a una mesa de trabayu sobro la área metropolitana central.

Al entamu del alcuentru, el primer edil, esplicó a los medios que se trata de la primer xunta por cuenta de la puesta en marcha, a nivel autonómicu, pa definir una gobernanza na área metropolitana. Ye una mesa nel que se van tratar los asuntos a aldericar  coles mires d’algamar una posición consensuada con una voz única en temes que van superar esti mandatu, el siguiente y el siguiente”.

L’Alcalde abogó por unes postures de collaboración, consensu y arrogancia porque “la gobernanza de la área metropolitina va ser el motor de la mesma. Güei vamos constituyinos pa tratar de faer camín y l’idea ye llevar una postura consensuada con tolos grupos. Ye un gran proyectu p’Asturies, el crear esi órganu de gobernanza y creo que ye un percorríu llargu, pero nesta primer fase nun debemos de comete nengún erru. N’Asturies gústenos o nun tenemos cierta cultura localista, qu’hai que erradircar si creemos crear un espaciu de gobernanza na área central”.

L’Alcalde destacó la necesidá d’algamar “una visión d’arrogancia, de compartir y nun competir. El localismu pa una rexón como Asturies ye daqué negativu qu’hai que tratar de erradicar”.