La villa romana de Veranes acueye l’actividá “Tesoros singulares”

La villa romana de les Termes de Campu Valdés, en Veranes,  acueye hasata’l 19 de mayu l’actividá “Tesoros singulares” na que esponse la pieza “Fragmentu de vidriu de botella” procedente del yacimientu arqueolóxicu.

Dientro de l’actividá de difusión “Tesoro singulares” de los Museos Arqueolóxicos de Xixón, na que s’esponen pieces que de normal nun pueden vese o pasen desapercibíes nel discursu xeneral de les esposiciones permanentes de los museos, ente’l 15 de febreru y el 19 de mayu nes Termes Romanes de Campu Valdés esponse la pieza: Fragmentu de vidriu de botella procedente del yacimientu arqueolóxicu.

Como presentación de la pieza, esti vienres 15 de febreru, a les 20 hores l’arqueólogu Javier Salido Domínguez, Doctor n’Arqueoloxía porla Universidá Autónoma de Madrid va impartir la conferencia: “Mensaxe nuna botella. Analís d’un regalu dedicáu al señor de la villa romana de Veranes”.

D. Javier Salido Domínguez, Llicenciáu n’Hestoria y Doctor n’Arqueoloxía porla Universidá Autónoma de Madrid, ye investigador del Programa Alianza 4 Universidaes y miembru del Institutu de Cultura y Tecnoloxía de la Universidá Carlos III de Madrid. Llogró beques y estancies curties nel estranxeru. Ye Profesor Honorariu del Departamentu de Prehistoria y Arqueoloxía de la UAM y Collaborador Honorariu del Departamentu de Ciencies y Técniques Historiográfiques y d’Arqueoloxía de la Universidá Complutense de Madrid. Miembru de dellos proyectos I+D como “Campamentos y territorios militares en Hispania”, “Formación y disolución de civitates nel NON peninsular.Estructures de poblamientu y territoriu” y “Formes d’ocupación rural nel cuadrante Noroccidental de la Península. Transición y desenvolvimientu entre les dómines romano y medieval (Territoria)”. Amás forma parte del grupu d’investigación de la UAM “Paisaxe antiguo y territoriu nel cuadrante noroccidental de la Hispania romana”.

La so llínea d’investigación ta centrada nel estudiu de la economía romana. La tesis doctoral, desenvuelta entre los años 2005 y 2010, so la denominación “Les estructures d’almacenamientu de granu nel Occidente del Imperiu Romanu presenta un analís arqueolóxicu de les tenaes y almacenes de dómina romana afayaos nes provincies occidentales del Imperiu Romanu, el testimoniu material más importante para encetar l’estudiu de la economía agrícola romana y el suministru de cebera a la población civil y l’exércitu romanu, según l’alimentación en dómina clásica. Les resultancies de la meyora de la so investigación fueron presentaos en diversos congresos d’ámbitu nacional ya internacional.

Participó coles mesmes en delles excavaciones arqueolóxiques de calter internacional como la MisiónArqueológica Española n’Exiptu (Heracleopolis Magna) y en numerososyacimientos peninsulares, como Ampurias, Cuetu da Vila (Vilamoura) y Complutum (Alcaláde Henares).