15 establecimientos participen nel II Concursu d’Antroxu d’Uviéu

15 establecimientos participen nel II Concursu d’Antroxu d’Uviéu
17 febreru 11:47 2021 Imprimir

El Segundu Concursu d’Escaparates d’Antroxu entamáu pol Conceyu d’Uviéu al traviés de la Conceyalía de Promoción Económica, dirixida por Javier Cuesta, yá ta en marcha. Finalmente fueron 16 los establecimientos comerciales que fueron almitíos para participar na iniciativa.

Les decoraciones, de diverses temátiques, han de permanecer espuestes hasta’l día 20 de febreru. El Concursu va cuntar con 2.800 € en premios, que se van estremar en 1.000 € para’l ganador, 800 € para’l segundu y 500€ para’l tercer clasificáu.

L’oxetivu del concursu, al igual qu’el de la pasada Navidá, ye’l de dotar d’un espíritu festivu y dar un pocu de color a la ciudá nes adverses circunstancies derivaes de la pandemia de la COVID -19. Con esta acción pretende ayudar a que’l sector comercial, una de les principales fontes d’empléu na ciudá, amplíe les sos vientes.

Per otru llau, la Conceyalía de Festexos, dirixida per Covadonga Díaz anunció esta mañana que les entraes pa les actuaciones del Grupu Tekila y del Grupu Beatriz previstos para la próxima fin de selmana en l’Auditoriu escosar en  menos de media hora dende’l momentu que se punxeron a disposición del públicu. L’espectáculu infantil PIM PAM FORA, que va tuvo llugar esti martes día 16, nel Palaciu d’Esposiciones y Congreso Ciudad d’Uviéu tamién colgó’l cartelu de nun hai billetes.

El gobiernu local quixo d’esta manera celebrar, anque de manera amenorgada, les fiestes del Antroxu. Dende l’equipu de Gobiernu quixeron recordar, una vegada más, que la culturara ye segura y piden a los asistentes a les actuaciones musicales que cumplan coles midíes sanitaries vixentes y atiendan en tou momentu les instrucciones del personal de les instalaciones municipales.

  Categories: