Uviéu estrena portal web sobro ayudes p’autónomos y empreses, post-COVID19

by redacción asturnews | mayo 15, 2020 8:44 am

El Conceyu pon en marcha la web municipal www.oviedorecover.es que aúna la información d’interés pa los establecimientos de la ciudá y ser una fonte oficial y de referencia sobro ayudes p’autónomos y empreses, rellacionaes cola recuperación post-COVID19.

Énte la gran cantidá d’información xenerada anguaño y n’ocasiones bien esvalixa al tar publicada en distintos organismos oficiales, el Conceyu d’Uviéu al traviés de la conceyalía de Economia y Tresformamientu Dixital creó un nuevu portal #web www.oviedorecover.es coles mires de que les microempresas, autónomos/as, comercios y establecimientos del conceyu d’Uviéu puedan tener accesu a la información d’una manera arrexuntada, fácil ya intuitiva

La situación de crisis sanitaria y económica causada pola pandemia COVID19 y l’Estáu d’Alarma decretáu, xeneren una cantidá importante d’información a diariu, qu’amás camuda de forma rápida según la evolución de la situación estraordinaria que vivimos.

El portal www.oviedorecover.es[1] ta pensáu pa facilitar l’accesu a la información d’una forma rápida pol usuariu/a y con una navegabilidad fayadiza. Nél recueyen toles guíes de bones práctiques pa la reapertura, información d’ayudes económiques tanto municipales, como autonómiques y estatales, canales de formación y asesoramientu personalizáu, amás de conectar  cola see electrónica del Conceyu d’Uviéu pa tramitar que se precise realizar.

Recueye tamién información sobro midíes de protección sanitaria, informando d’una manera visual a los comerciantes y empresarios del sector servicios d’Uviéu. Dirán xubiéndose ya incluyendo arquivos descargables que van poder imprimise pa visualizar la información de seguridá y salú nos distintos establecimientos.

Endnotes:
  1. www.oviedorecover.es: http://www.oviedorecover.es

Source URL: http://asturnews.com/13052020-el-conceyu-pon-en-marcha-un-portal-web-con-tola-informacion-sobro-midies-y-ayudes-destinaes-a-autonomos-y-empreses-rellacionaes-cola-recuperacion-post-covid19/