Portada Conceyos Avilés xúnese a #LaMejorLección pa cavilgar lo qu’aprendimos d’esta crisis

Avilés xúnese a #LaMejorLección pa cavilgar lo qu’aprendimos d’esta crisis

by redacción asturnews

Avilés sumase a #LaMejorLección pa cavilgar sobro lo qu’aprendimos d’esta crisis sanitaria dientro de la Campaña Internacional pola Educación que quier xenerar una rede de persones que compartan nes redes cuál ye #LaMejorLección que tán aprendiendo nestos díes.

La Sección d’Educación del Conceyu d’Avilés xuntase a la Campaña Internacional #LaMejorLección nel marcu de la Campaña Mundial pola Educación. L’oxetivu ye xenerar una rede de persones que, por aciu la movilización online que dexen les redes sociales, compartan cuál ye #LaMejorLección que tán aprendiendo nestos díes d’aislamientu en relación a la Educación. Ensin dulda, esta pandemia mundial ta poniéndonos a prueba, pero tamién nos dexa tiempu y espaciu pa la reflexón, pa sacar aprendizaxes y aseguranos que la situación que tamos viviendo enséñanos y ameyóranos y camuda como persones y como sociedá.

Tola ciudadanía puede participar individualmente o en grupu al traviés de compartir los hashtags #LaMejorLección #AvilesCiudadEducadora #AvilesSEIMPLICA #RETOSAviles nes redes sociales. Compartiendo una semeya, vídeu o testu sobro cómo nos sentimos y cómo creemos que la educación puede contribuyir a que salgamos reforzaos d’esta crisis.

Como Ciudá Educadora, Avilés quier que les sos ciudadanes y ciudadanos intercambien aprendizaxes, compartan esperiencies y arriquézanse coles vivencies, reflexones ya iniciatives d’otres persones al traviés de la so participación nesta campaña. El Conceyu d’Avilés quier conocer si los sos ciudadanos y ciudadanes de creen qu’esti cambéu d’etapa consiguió sacar lo meyor de cada cual a nivel colectivu y qué pequenes llecciones, de gran importancia, aprendimos a nivel individual.

Participar ye bien fácil, a cencielles hai que faese una semeya, grabar un vídeu o escribir un testu sobro cómo nos sentimos y cómo creemos que la educación puede contribuyir a que salgamos reforzaos d’esta crisis. Dempués tenemos que compartilo nes redes sociales usando #LaMejorLección  #AvilesCiudadEducadora #AvilesSEIMPLICA #RETOSAviles.

Dende la campaña, colos mensaxes recibíos de tol mundu, van arrexuntase toles llecciones recibíes pa xenerar una reflexón conxunta en redol a los aprendizaxes que nun tenemos qu’escaecer cuando tou esto acabe. Con tolos testos recibíos va editase un llibru. El llibru de los aprendizaxes que nun tenemos qu’escaecer cuando tou esto termine.

Tamién te podria gustar