Portada Conceyos @m.j.intriago gana’l primer Concursu de Fotografía en Instagram de FOCART

@m.j.intriago gana’l primer Concursu de Fotografía en Instagram de FOCART

by redacción asturnews

El Concursu de Fotografía en Instagram del II Festival de Cultura Urbana d’Avilés, FOCART, yá tien a los sos ganadores: @m.j.intriago (primer premiu), Sergio Prado Jiménez (@mugakeko, segundu premiu) y Mercedes Menéndez (@mercedes.menendez.92, tercer premiu).

La conceyala de Cultura, Yolanda Alonso, va participar na entrega de premios del certame, que va tener llugar esti sábadu 17 de setiembre a les 12:30 hores nel Salón de Recepciones del Conceyu d’Avilés. Estos consisten en tarxetes regalo de la UCAYC valoraes 150, 100 y 50 euros, por orde de clasificación, para trocar n’establecimientos comerciales d’Avilés.

Per otru llau, escoyéronse otres dolce imaxes finalistes, que xunto con el ganadores van amosar n’una esposición colectiva que va tener llugar antes de rematar l’añu n’Avilés. Les persones que resultaron finalistes son Lucía Ruiz Galán (@luciargalan), Luisma Argüello Menéndez (@luisma_am), Miguel Camacho Castro (@miguelcamatxo), Paco Flaquer Panizo (@pacoflaquer) y los usuarios @jl_shot, @cris_is_astu81, @p_e_d_r_i_n___j y @toriophoto.

El xuráu tuvo compuestu polos fotógrafos locales Sergio López y Manuel Carranza, por Anabel Barriu, en representación de la área de Cultura del Conceyu d’Avilés; y por Elsa García, en representación de la área de Comunicación. Valoráronse aspeutos como la composición y los elementos de cada escena, l’usu de la lluz, la calidá artística y l’orixinalidá de les imaxes, según el sentimientu urbanu que tresmiten.

El concursu tuvo abiertu ente’l 24 de xunu y el 3 de xunetu. Cada participante podía xubir un máximu de trés fotografies a Instagram cola etiqueta #ConcursoFOCART2022, nes que s’amosaren cualquier manifestación d’arte urbano asocedida dientro de les actividaes del festival.

Tamién te podria gustar