Portada Cine ‘Grease’ va tener una precuela del románticu branu de Danny y Sandy

‘Grease’ va tener una precuela del románticu branu de Danny y Sandy

by redacción asturnews

L’estudiu Paramount prepara una precuela del célebre musical Grease (1978), sigún informó’l mediu especializáu The Hollywood Reporter. Summer Loving ye’l títulu d’esti proyectu pal que se fichó a John August, guionista de “Big Fish” (2003), “Corpse Bride” (2005) o de la inminente y nueva versión de “Aladdin”, que va llegar a los cines en mayu.

‘Grease’ va tener una precuela centrada nel románticu branu de Danny y Sandy. John Travolta y Olivia Newton-John fueron los protagonistes de Grease, unu de los musicales más famosos de la hestoria, que la so buelga y legáu inda perviven na cultura popular más de cuatro décades dempués del so estrenu.

Basada nel musical homónimu de 1972 y ambientada nos años cincuenta, esta película centrase nel amor xuvenil nos pasiellos del institutu ente’l rebelde Danny (Travolta) y l’inocente Sandy (Newton-John).

La precuela encetaría’l branu de romance que vivieron los dos protagonistes y que la so rotura, solo encarnada dempués al coincidir los dos nuevos nel nuevu cursu, yera’l puntu de partida de Grease. Cantares como You’re The One That I Want o Summer Nights convertiéronse en terribles ésitos ya inda güei son de les temes más solicitaes nos karaokes de too el mundu.

La banda sonora del filme foi’l segundu discu más vendíu d’esi añu solu por detrás del acompañamientu musical d’otra película: el de “Saturday Night Fever” (1977). Tanto Grease como Saturday Night Fever convirtieron a Travolta n’una de les estrelles más importantes de Hollywood

Grease foi la película más taquillera de 1978 y dio pie a una continuación “Grease 2” (1982), qu’incluyía a Michelle Pfeiffer nel so elencu pero que foi recibida con crítiques bien negatives y nun llogró’l respaldu del públicu. El musical tamién tuvo una recién adaptación a la televisión con “Grease Live!” (2016), un especial pa la pequena pantalla que protagonizaron Vanessa Hudgens, Julianne Hough y Aaron Tveit.

Tamién te podria gustar