MunduSociedá Emiten en directu l’apertura d’un sarcófagu y atopen una momia intacta by redacción asturnews 12 d'abril, 2019 written by redacción asturnews 12 d'abril, 2019 105 Solamente unos cuantos afortunaos tuvieron el privilexu d’abrir per primer vegada un sarcófagu. Pero a ello quixo pone-y remediu Discovery, televisando l’apertura d’unu nel programa Egypt Live: Expedition Unknown. L’encargáu de faelo foi l’exiptólogu Zahi Hawass, que narró en vivu l’afayu d’una momia de 2.500 años d’antigüedá, que s’atopaba en perfectu estáu de caltenimientu. Creen los espertos que podría tratase d’un sacerdote d’altu rangu de Tot, el dios de la sabiduría, la escritura, la música, el tiempu y símbolu de la Lluna según la mitoloxía exipcia. Respectu al cuerpu, tal que asegura Hawass, dataría de la dinastía XXVI, la postrera nativa del Imperiu Exipciu (sieglos VII a VI a. C.). Tal que se vio na grabación, la momia taba envolubrada en llinu y cuntaba con delles plaques d’oru, según un escarabayu esculpíu sobro’l so cuerpu. D’ende que se piense que pertenecía a una clase privilexada. L’afayu tuvo llugar en Menia, na vera occidental del ríu Nilo, a unos 225 km al sur d’El Cairo, tres la esploración d’unos túneles soterraos nun campusantu. Na mesma zona, los arqueólogos tamién dieron con otros dos momías, amás de con cuatro frascos intactos, usaos na dómina pa guardar los órganos de los finaos. 0 FacebookTwitterPinterestEmail Anterior La Universidá d’Uviéu funda una alianza con Rusia pa impulsar la investigación siguiente IX va impulsar como prioridá la oficialidá del asturianu Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu La Banda Gaites de Castrillón ufrió’l so repertoriu... La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII...