Portada Conceyos 12 mozos avilesinos participen nel intercambiu “Diversity” n’Alemaña

12 mozos avilesinos participen nel intercambiu “Diversity” n’Alemaña

by redacción asturnews

Una docena de mozos avilesinos participen nel intercambiu “Diversity” n’Alemaña que se desenvuelve na localidá de Wiesbaden cola participación de 36 mozos alemanes, franceses y españoles. Van Participar n’actividaes artístiques, creatives y de convivencia intercultural, en contactu directu cola redolada.

Un grupu de dolce nuevos avilesinos, acompañaos por dos técniques del Serviciu de Mocedá del Conceyu d’Avilés, viaxaron la selmana pasada hasta la localidá alemana de Wiesbaden pa participar nel intercambiu xuvenil internacional “Diversity”, que se lleva a cabu ente’l 9 y el 17 d’agostu.

El proyectu, impulsáu pola organización alemana Arcu, en collaboración col Serviciu de Mocedá del Conceyu d’Avilés al traviés de la so Oficina de Movilidá Xuvenil Internacional “Europa Equí”, enmárcase dientro de les acciones del programa comuñal “Erasmus+: Mocedá n’Acción”.

Col sofitu d’un grupu de 6 monitores y monitores, un total de 36 mozos procedentes d’España, Alemaña y Francia, van llevar a cabo actividad de convivencia intercultural, arte y creatividá, amás de realizar tanto talleres de teatru y video como escursiones pa conocer Wiesbaden y la so contorna.

En total van ser 30 los y les moces d’Avilés que van tener la posibilidá de participar mientres esti branu n’unu de los cuatro intercambios internacionales xuveniles xestionaos pola Oficina de Movilidá Xuvenil Internacional “Europa Equí”. Los mozos van viaxar en grupos, acompañaos de monitores con esperiencia na xestión de grupos, a otros trés destinos europeos, amás d’Alemaña: van desenvolver en Francia, Eslovaquia ya Italia.

Nos sos llugares de destín van compartir, mientres xuna selmana, esperiencies con otros mozos d’Europa y van aldericar sobro temes como la interculturalidad, los derechos de los colectivos LGTBQ+, la mocedá n’Europa, la diversidá y l’inclusión.

Tamién te podria gustar