Portada Música Uviéu completa la so ufierta de conteníos web pal confinamientu

Uviéu completa la so ufierta de conteníos web pal confinamientu

by redacción asturnews

L’espaciu Arcu iris de la web municipal #enoviedonosquedamosencasa, onde se recueyen tolos conteníos que’l Conceyu d’Uviéu, al traviés de la Conceyalía d’Educación, ellaboró mientres esta etapa de confinamientu, completa a partir d’esti martes la so ufierta con un espaciu pedagóxicos sobro preseos d’otres dómines y de tolos continentes.

L’espaciu denomináu “Resonando nel pasáu” cuerre a cargu del instrumentista, organólogu y recuperador de preseos musicales Abraham Cupeiro, qu’ellaboró xuna serie documental de videoconciertos monólogos nos que va ufiertar xunas risonderes clases maxistrales de preseos musicales perdíos nel tiempu, preseos qu’utiliza dándo-yos nueves sonoridaes ya inxiriéndolos en músiques ayenes al tiempu pal que fueron creaos.

Cupeiro consiguió una colección de más de 200 preseos de tol mundu y de distintes dómines que va amosar a los más pequenos y tamién a los adultos nesti espaciu bautizáu Resonando nel Pasáu.

Al traviés d’esta serie de vídeos que podrán reproducise al traviés de la web #enoviedonosquedamosencasa propónse un viaxe al  pasáu más remotu de la nuesa especie al traviés del soníu de los preseos de vientu. Dende una pequena flauta de güesu (46.OOO a. c.) o’l Karnyx de la Edá de Fierro, hasta un gran Sousaphone orixinal del sieglu XIX, pasando polos preseos exóticos de los viaxes de Marcu Polu y munchos otros sorprendentes descubrimientos.  Esti espaciu va #emitir mientres siete díes consecutivos.

Tamién te podria gustar