El Celsius 232 trai a Kameron Hurley, Blake Crouch, Margaret Stohl, Tom Jubert y Jakub Szamalek

by redacción asturnews | julio 11, 2018 10:44 am

La séptima edición del festival, unu de los acontecimientos del branu cultural n’Asturies, va tener llugar d’esti miércoles 11 al sábadu 14 de xunetu con más de 150 actividaes y 125 autores ente los que s’alcuentren nomes como Kameron Hurley, Blake Crouch, Margaret Stohl, Tom Jubert y Jakub Szamalek.

Nesta edición van fallar por primer vegada los Premios Lorna a los meyores cómics del xéneru y naz la collaboración col proyectu européu Womrts. apurrirán los III Premios Kelvin 505 a Frances Hardinge, Jesús Cañaes, N. K. Jemisin, Xeorxa Mariña y Fer Alcalá. El festival refuerza la programación dedicada al públicu infantil. El ceadores suponen más de la metá de los participantes invitaos

El Festival de Terror, Fantasía y Ciencia Ficción “Celsius 232″ asitia un añu más a Avilés como centru internacional del xéneru en distintes disciplines, na que ye la séptima edición d’un certame, entamáu pola conceyalía de Cultura, cque onvirtióse nunu de los acontecimientos del branu n’Asturies.

Más de 150 actividaes (a les qu’hai qu’añedir les paraleles); más de 125 invitaos, con mayoría d’autores pernomaos, con nomes como Kameron Hurley, Blake Crouch, Margaret Stohl, Tom Jubert o Jakub Szamalek, del guión a la lliteratura, de les series a los videoxuegos, del cómic a los youtubers, van enllenar Avilés dende’l miércoles 11 al sábadu 14 de xunetu.

Yolanda Alonso, conceyala de Cultura d’Avilés, al pie de Cristina Macía y Jorge Iván Argiz, codirectores del festival, fueron los encargaos de presentar un certame que va dexar conocer de barganal propuestes creatives multidisciplinares llegaes dende tol mundu en cuatro díes d’actividá frenética.

Alonso aportunó nel valor del Celsius que contribúi a qu’Avilés sía un referente cultural non yá n’España sinón n’otros países”. Fixo especial fincapié en que “cada vez son más los invitaos y los públicu que nos visiten y afayen Avilés gracies a esti festival”. Quixo tamién destacar “l’esfuerzu realizáu p’arriquecer la programación xuvenil y adolescente y, anguaño, especialmente tamién la infantil”.

Amás, la conceyala de Cultura esplicó que “ye la primer vegada que’l festival collabora col proyectu européu Womarts de la Fundación Municipal de Cultural que’l so oxetivu ye visibilizar a les muyeres creadores”. El vienres, Llisa Tuttle y Elisabetta Gnone, al pie de Sofía Rhei, van tomar parte na mesa redonda “Creando personaxes femeninos colos qu’identificase”.

Ente les novedaes d’anguaño, incorpórense los Premios Lorna, colos que se van reconocer los meyores cómics del xéneru, tantu nacionales como estranxeros, publicaos n’España nel 2017, nun homenaxe al dibuxante Alfonso Azpiri, fináu en 2017. Complementen d’esta forma a la entrega de los Kelvin 505, que yá se fallaron, y van apurrise el sábadu, últimu día del festival.

La base sobro la que s’asitia’l Celsius 232 ye l’alcuentru directu d’autores col so públicu, y la creación d’un cientu d’actividaes, siempres gratuites y abiertes al públicu. Nesta séptima edición faise especial fincapié nos más pequenos, que van tener a la so disposición a diariu actividaes que van espertar la so creatividá.

Nesti séptimu certame consolídase la sección “Lletres y Bits”, qu’incide nel estudiu de la relación ente la narrativa tradicional y los videoxuegos. Van Participar destacaos guionistes como Tom Jubert, consideráu por Rhianna Pratchett, convidada l’añu pasáu, como xuno de los meyores profesionales del sector (va ser el xueves), o Jakub Szamalek (el sábadu), responsable de la trama del videoxuegu “The Witcher 3″.

La lliteratura xuvenil ye unu de los xéneros especialmente curiaos nel Celsius. Va Cuntar con pesos pesaos mundiales, como la norteamericana Margaret Stohl, autora de “Formoses criatures”, que va responder al públicu’l xueves, según lo más granao ente el escritores nacionales, fieles a la so cita, como Sara Gascó, Ana Campoy, Victoria Álvarez, que yá tuvo anguaño n’Avilés, Pedro Mañas o Javier Ruescas.

Tocantes los y les autores destacaes, atópense Kameron Hurley, ganadora del premiu Hugo col so llibru “La revolución feminista geek”; Blake Crouch, autor de les noveles de “Wayward Pines, afeches a la televisión pol prestixosu director M. Night Shyamalan, o de Materia Escuro”, que va presentase al públicu’l vienres. Tamién Dan Abnett y Corinne Duyvis, que van falar el xueves de la saga “El guardianes de la galaxa”.

Les redes sociales componen un apartáu d’importancia creciente, sobremanera ente’l sector xuvenil, y va cuntase cola presencia de booktubers destacaos, dalgunos de los cualos yá dieron el saltu a la escritura.

Más información[1]

Endnotes:
  1. Más información: http://aviles.es/web/guest/inicio/-/asset_publisher/xbzNkVvUI3OO/content/el-celsius-232-atrae-a-creadores-de-la-talla-de-kameron-hurley-blake-crouch-margaret-stohl-tom-jubert-o-jakub-szamalek/12309

Source URL: http://asturnews.com/10072018-el-celsius-232-atrai-a-ceadores-de-la-talla-de-kameron-hurley-blake-crouch-margaret-stohl-tom-jubert-o-jakub-szamalek/