Portada Conceyos Diez persones desemplegaes formense n’Avilés en testing de software

Diez persones desemplegaes formense n’Avilés en testing de software

by redacción asturnews

Diez persones paraes van formase mientres dos meses na realización de llabores de testing o comprobación de software, gracies a una nueva acción formativa puesta en marcha pel área municipal de Formación y Emplegu d’Avilés, en collaboración cola Asociación Cluster TIC Asturies.

L’alcaldesa d’Avilés, Mariví Monteserín, y el conceyal de Formación y Empléu, Juan Carlos Guerrero, participaron esti llunes nel actu institucional de bienvenida al alumnáu. En representación de l’Asociación Cluster TIC Asturies tuvieron presentes el so presidente, Patriciu José Arias Álvarez, y el so director xeneral, Enrique Jáimez Falagán.

L’Área de Formación y Empleguu del Conceyu d’Avilés punxo en marcha esta acción formativa con compromisu de contratación coles mires d’ameyorar les competencies profesionales de 10 persones desemplegaes y responder asina a les demandes plantegaes poles empreses del Sector TIC.

Cluster TIC Asturies ye una asociación sectorial privada qu’arrexunta a gran parte de les empreses del Principáu d’Asturies col so ámbitu d’actividá nel tecnolóxicu y que la so misión ye constituyise como entidá dinamizadora empobinada a ameyorar la competitividá y asegurar una crecedera sostenible de les empreses TIC asturianes.

Dende’l día 5 de setiembre, 10 persones desemplegaes d’Avilés tán formándose en  competencies que-yos dexen llevar a cabu’l manexu de técniques informátiques pa investigar sobro la calidá de los productos o servicios so pruebes pa poder detectar los erros y ameyoralos.

El testing de software ye un procesu pa verificar y validar la funcionalidá d’un programa o una aplicación coles mires de garantizar que’l productu tea llibre de defectos. L’oxetivu final ye que coincida colos requisitos esperaos p’apurrir un productu calidable.

Más información

Tamién te podria gustar