10.000 alumnos de Xixón van poder allegar en bicicleta al colexu

10.000 alumnos de Xixón van poder allegar en bicicleta al colexu
01 xunetu 09:02 2020 Imprimir

Unos 10.000 alumnos de Xixón van poder allegar en bicicleta al colexu per caminos seguros, depuñes de que diecisiete centros sumáranse a la iniciativa d’un profesor d’Educación Física, que cunta col sofitu de la Oficina de Movilidá.

Unos 10.000 alumnos de Xixón, principalmente de Secundaria, disponen d’información sobro itinerarios ciclistes seguros pa poder allegar acaldía dende los sos llares hasta’l centru educativu. Son los estudiantes de los diecisiete centros que se sumaron yá a la iniciativa, aparentemente senciella, d’un profesor d’Educación Física que yá cunta inclusive cola collaboración de la Oficina de Movilidá del Conceyu, que financia la impresión de grandes mapes de Xixón que cada centru instala nel llugar escoyíu y nel que tolos alumnos pueden allugar la so casa y el centru escolar.

Nos mapes tán señalizaos los carriles bici, pero non solo eso, porque «casi naide tien un carril bici de puerta a puerta», almite’l profesor Francisco Flórez, asina que tamién s’allugaron les rutes de tráficu compartíu co más segures. Non siempres son les más curties, pero sigo los meyores pa llegar al colexu o al institutu.

Flórez afayó casi por casualidá que n’internet taba disponible un mapa de Xixón colos carriles bici indicaos. Y decidió saca-y partíu educativu. Ye firme defensor de la bicicleta , «el vehículu de la felicidá», que ye «eficaz, saludabe, económica y sostenible». Asina que llevó esi mapa, con una dimensión d’unos trés metros, a clase. «Quería que los alumos identificaren claramente la so casa y los sos llugares d’interés, l’institutu, la biblioteca, la piscina…». La iniciativa va xunida a esi otru proyectu, el de los caminos escolares seguros y hai localidaes d’otres comunidaes que yá nos lleven ventaya: Melilla, Vitoria, dellos conceyos catalanes.

La iniciativa estendióse grancias a un grupu de profesores que trabayen pola innovación na educación física. D’esta forma, hai dos cursos los mapes coles rutes segures llegaron a seis centros. Agora yá se sumaron otros once más. Cuando les clases vuelvan a la normalidá tres la situación d’escepcionalidá que tamos viviendo pola COVID-19, unos 10.000 alumnos van poder dir y volver seguros al colexu. Son los estudiantes de los institutos Piles, Fregadures, Emilio Alarcos, Padre Feijóo, Doña Jimena, Fernández Vallín, Xovellanos, Rosario Acuña, Montevil, Mata Jove, Universidá Llaboral y Calderón; los colexos Piles, San Miguel, Virxe Mediadora, Codema, el CIFP La Llaboral.

  Categories: