Un llibru sobro los oríxenes de la minería del carbón n’España presentose n’Avilés

Un llibru sobro los oríxenes de la minería del carbón n’España presentose n’Avilés
10 09:02 2017 Imprimir

Obra d’Iván Muñiz, doctor n’Hestoria y profesor de la UNED “La piedra negra: Arnao. Oríxenes de la minería del carbón n’España” presentose esti xueves 9, nel Muséu d’Hestoria Urbana, cola asistencia de l’alcaldesa d’Avilés, Mariví Monteserín.

El Muséu d’Hestoria Urbana d’Avilés acoyía esti xueves, 9 de payares, a les 19 hores, la presentación del llibru La piedra negra. Arnao. Oríxenes de la minería del carbón n’España,  al cargu del so autor, el doctor n’Hestoria y profesor de la UNED Iván Muñiz. L’actu va cuntar cola asistencia de l’alcaldesa d’Avilés, Mariví Monteserín.

La obra, frutu d’un destacáu trabayu d’investigación, dexa allugar temporalmente na contorna d’Avilés la primer esplotación de carbón mineral conocida na hestoria española, yá nel sieglu XVI.

La piedra negra. Arnao. Oríxenes de la minería del carbón n’España ye una obra destinada a convertise en referente tantu pol estudiu global d’un panorama pocu conocíu, nel que se desvelen numberosos datos inéditos, como poles innovaciones historiográfiques y narratives.

L’autor, Iván Muñiz López, ye Premiu Estraordinariu Fin de Carrera, doctor n’Hestoria, arqueólogu colexáu y profesor de la UNED. Especialista en cultura material, hestoria de la Edá Media y patrimoniu cultural, ye codirector de les escavaciones nel castiellu de Gauzón, director cultural del Muséu de la Mina de Arnao y autor de numberoses publicaciones.

  Categories: